ÂTHAONA 47:30 - Mara Bible RV (BSI)

³⁰ Nâ pathlatuhpazy hnohta ei mô tita, Izi râh tawhna heta na phaoh la, nâ pathlatuhpazy pabuna su liata na pabu mah y,” tah ta. Zawsi ta, “Na reipa hawhta ei tao aw,” tah ta.

ÂTHAONA 47:30 ပူးပေါင်းရင်းမြစ်များ

ÂTHAONA 15:15

“Nâ deikua cha, Châ pathlatuhpazy hnohta thlalôhpa ta a di aw chi ta, Pawpipa ta pabupa na châ aw.

ÂTHAONA 23:17

Chatanachata Mamre nochhi lâta a ypa Mâkâpelâ liata Epharaw lyu cha, lyu chhôh liata lôpu a ypa nata lyu liata tho a ypa zydua nata lyuri chheipâh zydua liata tho a ypazy chhaota,

ÂTHAONA 23:19

Cha khai tawhta, Abarahâ ta a lapinô Sârâ cha Kâna râh Mamre nochhi lâta a ypa Mâkâpelâ lyu liata lôpu liana chata pabu ha ta. Mâkâpelâ cha Hebraw a châ.

ÂTHAONA 25:10

Cha lyu cha Abarahâ ta Hiti mo liata a chaleipa lyu kha châ ta, cha liata Abarahâ nata a lapinô Sârâ cha pabupa a châ.

ÂTHAONA 25:9

A sawchapawpa Aisika nata Ismela zy ta Mamre tlô chy ta Hiti chyhsa Zôharâ sawchapawpa Epharaw lyu liata a ypa Mâkâpelâ lôpu liata ama pabu.

ÂTHAONA 35:29

Aisika cha a thlahpa pathlie ta, machâpa a chhâ palopa ta thi ta, a chiheihzy hnohta pahlyhpa ta y ta. A sawchapawpa Esaw nata Zakaw ta ama pabu.

ÂTHAONA 50:25

Chatawhcha Zawsi ta Izarei sawzy bie pataihsa ta, ama hnohta, “Khazohpa ta cha vaw tly tlai aw ei ta, he su tawhna heta ei ruzy phaoh ha muh vy,” tah ta.

2 SAMUELA 19:37

Ei khih bôpi, ei nô nata ei paw thlâ kiapâh liata ei thi thei nawpa ta, ngiachhiepa ta châ chakaotuhpa he na pakuasa ha mah y. Anodeikuacha, moh tua, châ chakaotuhpa Kihâ hih, ano he ei zibeipa abei hnohta vaw sie sala, pha na tahpa hawhta ano châta tao hri mah y,” tah ta.

2 SAMUELA 2:32

Asahe ri cha la ei ta, Bethlehe liata a paw thlâ liata pabu ei ta. Zôabâ nata a pheisaihzy cha azozâkhihdei sie ei ta, Hebraw ama tlô nahta khihdei ha ta.

1 ABEIZY 13:22

a vaw lie chi ta, “Viahchhâ nie leipa la, ti chhao doh khah y,” a cha tahna su liata viahchhâ nie chi ta, ti na dopa vâta, châ pathlatuhpazy thlâ liata na ri a zia aw vei,’ a tah” tah ta.

NEHEMIAH 2:3

Abei hnohta, “Abei cha hroh kôzaw mawh sy! Nâ pathlatuhpazy thlâ yna khihpi cha roryhrapa ta y ta, a chhikaozy chhao mei ta a kâ khai nota, kheihta ma pachârôhna hmia phaoh leipa ta ei y thei aw,” tah na ta.

NEHEMIAH 2:5

Abei hnohta, “Abei ta paryhsa sala, châ chakaotuhpa he na modypa ei châ khiahta cha, Zudâh râh liata nâ pathlatuhpazy thlâ yna khihpi lâ na pasiesa la, cha khihpi cha paduapathi awpa ta na pasaih mah y,” tah na ta.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.