ÂTHAONA 47:22 - Mara Bible RV (BSI)

²² Theihthaipazy râh deita chalei leipa a châ. A chhâpa cha, theihthaipazy cha Phiraoh tawhta lymâ a daopa châ ei ta, Phiraoh ta lymâ a piepa ei cha ama niepa vâta, ama râh zuah byuh vei.

ÂTHAONA 47:22 ပူးပေါင်းရင်းမြစ်များ

ÂTHAONA 14:18

Sale bei Melkizade ta viahchhâ nata kresawhti vaw cheih ta. Ano cha Khazohpa Chônôchaipa theihthaipa a châ.

ÂTHAONA 41:45

Phiraoh ta Zawsi cha a moh Zaphenâpania bi ta, Ôni khih theihthaipa Pawtipherâ sawchanônô Asenâ cha a lapinô ta pahneisa ta. Zawsi cha Izi râh chahryh ta.

ÂTHAONA 41:50

Chakâhna a vaw tlô hlâta Zawsi ta sawchapaw pano sa ta, âmo cha Ôni theihthaipa Pawtipherâ sawchanô Asenâ ta Zawsi châta a sapazy ama châ.

ÂTHAONA 47:21

Râhsawzy cha Izi râhri hiakha lâ chhâna nata hiakha lâ chhâna tawhta khihpizy lâta Zawsi ta a pasie lymâ ei.

ÂTHAONA 47:23

Zawsi ta zawpi hnohta, “Pachâ teh u, tanoh he nâmo nata nama râh Phiraoh châta cha chalei khai ha ei na ta. He liata nama châta sâh chi a y, alei liata cheih teh u.

ÂTHAONA 47:26

Phiraoh ta su pangawh liata su kha a hmô lymâ awpa kyh cha, Zawsi ta Izi râh ryhpa châta tao ta, cha cha tanoh taihta hmâpa châ ta, theihthaipazy râh deita Phiraoh râh lâta a lie leipa a châ.

2 SAMUELA 8:18

Zehôdâ sawchapawpa Benai cha Khere mo nata Pele mo hyutuhpa châ ta, Dâvi sawchapawzy cha theihthaipazy ama châ.

EZRÂ 7:24

Theihthaipazy, Livai pathlazy, hlasathaipazy, chhikao vaituhpazy, Achhyna o liata chakaotuhpazy nata Khazohpa o liata chakaotuhpa hropa zydua cha râhpaw tlyma, leimâ tlyma, hmohneipa chhie tlyma, pacheisa awpa ta ryhpa ta pasaih vei tahpa eima cha pahnosa.

NEHEMIAH 13:10

Livai pathlazy tovyuh ama vaw pie leipa chhao pahno na ta. Chavâta raihriatuhpa Livai pathlazy nata hlasathaipazy cha ama lyu lâ chyu ta ama kua khai ha tyh.

MATHAI 10:10

nama khitlyna sahria tlyma, viahkao pasipa zo no tlyma, pheikyzy tlyma, chôchahrei tlyma a phao hra khah u. Raihriatuhpa cha a nie tlâh a châ.

1 KAWRINI 9:13

Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?

KALATIA 6:6

Bie pachuna a daopa cha, hmo pha to a hmôpa tawhta a pachutuhpa pie hra mawh sy.

RYHPACHANEINA 12:19

Nama râh liata nama pahrâ chhôh ta, Livai chi pathlua lei awpa ta a vaih teh u.

2 THYSALAWNIKA 3:10

Nama hnohta eima y nona chhao khata, “Rai a hria khoh leipa cha, a nie chhao nie khah sy,” tahpa ta bie eima cha pie khawh.

1 TIMAWTHY 5:17

Awnanopa chhituh phapa, a eih pachaipa ta biechhona nata pachuna liata hriapasapazy cha, a lie no ta palyupalih tlâh ama châ.