ÂTHAONA 46:34 - Mara Bible RV (BSI)

³⁴ nâmo ta, ‘Na seizy he eima hawtita tawhta tahmâ taihta, miah pathlatuhpazy hawhta, sahroh vaituhpazy eima châ’ nama tah aw. Chatanachata Kôse râh liata nama pahrâ thei aw, mietaku vaituhpazy cha Izi chyhsazy châta pasichhihpa châ tlôh ei ta,” tah ta.

ÂTHAONA 46:34 ပူးပေါင်းရင်းမြစ်များ

ÂTHAONA 13:7

Abarâ sahroh vaituhpazy nata Lawta sahroh vaituhpazy likah liata ahryuna vaw pua ta. Cha daihti liata, cha râh liata a pahrâpazy cha Kâna mo nata Perizi mozy ama châ.

ÂTHAONA 13:8

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

ÂTHAONA 26:20

Kerâ liata sahroh vaituhpazy ta, “Ti he keimo eih a châ,” tahpa ta Aisika sahroh vaituhpazy cha a hryuh ei ta. Tikhaoh ama chhupa vâta, Aisika ta tikhaoh cha Eseka tahpa ta a moh a bi.

ÂTHAONA 30:35

Cha noh lia tlai ta, Lâbâ ta mie tôhpa cheichapaipa nata kaorâhpa maih, mie panô cheichapaipa nata kaorâhpa maih, arâhpa a hlaopa maih nata mietaku vyhpa maih panano ta, a sawchapawzy ku liata hlâ ta.

ÂTHAONA 34:5

Zakaw ta a sawchanô Dinâ Sekhe ta a papuapaleipa thâtih cha thei ta. A sawchapawzy cha a sahroh zaw chhaota râh liata ama y chhôh châ ta, ama vaw tlô hlâlei Zakaw cha a thlih thlâh ha ta.

ÂTHAONA 37:12

Noh kha cha Zawsi unawhzy ta ama paw sahroh zaw lao pabâsa awpa ta Sekhe lâ sie ei ta.

ÂTHAONA 37:2

Hezy he Zakaw pathlazy ama châ. Zawsi cha kô hrawh hleisari uhtheipa dei a châ chypa vâta, a paw lapinô Bilhâ nata Zilpâ sawchapawzy chhaota sahroh zaw lao pabâsa tyh ta. Zawsi ta ama hmotao pha leipa kyh ama paw hnohta tlôkhei tyh ta.

ÂTHAONA 43:32

Ano châta ânano ta, âmo sahlao châta ânano ta, Izi chyhsa ano a nielâhpazy châta ânano ta pati cha tao ei ta. A chhâpa cha Izi chyhsazy ta Hebrai chyhsazy cha pati phiah la lâh leipa ei ta, cha hawhta taopa cha Izi chyhsazy châta pasichhihpa a châpa vâta a châ.

ÂTHAONA 45:10

Kôse râh liata y aw chi ta, na sawzy nata na samohzy, na mietaku zawzy, na viahchao hrizy nata na hneipa zydua chhaota ei kiapâh liata nama y aw.

ÂTHAONA 45:18

nama paw nata nama chhôhkhazy a zâ chhi muh vy. Kei lâ a zu aw ei chi ta, Izi râh liata râh pha chaipa cha pie aw ei na ta, cha râh thaw cha nama nie aw.’

ÂTHAONA 46:32

Chapawzy cha mietaku vaituhpazy châ ei ta, sahrohzy vaih tyh ei ta, chavâta mietaku zawzy, viahchao hrizy nata ama hneipa zydua amâ vaw phao khai haw,’ tahpa ta reih aw na ta.

ÂTHAONA 47:11

Zawsi ta a paw nata a unawhzy châta yna su paryh ta. Phiraoh biepiepa hawhta, Izi râh liata râh pha chaipa, Râmese râh chhôh liata, ama ryuto châta râh pie ta.

ÂTHAONA 47:3

Phiraoh ta Zawsi unawhzy hnohta, “Khâpa rai nama hria tyh?” tah ta. Âmo ta Phiraoh hnohta, “Châ chakaotuhpazy he miah pathlatuhpazy hawhta mietaku vaituhpazy eima châ,” tah ei ta.

ÂTHAONA 47:4

Phiraoh cha chho via ei ta, “Kâna râh liata chakâh mozohpa vâta, châ chakaotuhpazy mietaku zawzy châta sibie hrohpa y khao leipa ta, chavâta he râh liata y chy awpa ta eimâ zu. Ngiachhiepa ta châ chakaotuhpazy he Kôse râh liata miah paysa mah y,” tah ei ta.

ÂTHAONA 47:6

Izi râh cha â hôh thlâh ha mâh tâh. Na paw nata na unawhzy cha râh pha chaipa liata pahrâsa mah y. Kôse râh liata pahrâ mawh ei sy. Ama hry liata a tao thei awpa chyhsa na pahno khiah ei ta cha, ei sahroh chô liata hyutuhpa ta na tao aw ei,” tah ta.

PUASAINA 8:22

Ei phopi pahrâna Kôse râh deikua cha, cha noh liata panano aw na ta, cha liata mathyupa rai y aw vei. Chatanachata kei he alei chô liata a ypa Abeipa ei châ tahpa na pahno aw.

PUASAINA 8:26

Châhrasala Mawsi ta, “Cha hawhta tao awpa cha a do aw vei. Abeipa eima Khazohpa lâta atheihna eima hlâ awpazy cha, Izi mo châta ânapa hmozy châ tlôh ta, chavâta Izi mo châta ânapa hmozy hmâpa ta ama mohmô liata eimâ theih khiahta cha, alô ta miah vawh aw veih ei mâ?