ÂTHAONA 46:1 - Mara Bible RV (BSI)

¹ Izarei cha a hneipa zydua chhaota a thao ta, Besebâ tlô ta, a paw Aisika Khazohpa lâ atheihnazy hlâ ta.

ÂTHAONA 46:1 ပူးပေါင်းရင်းမြစ်များ

ÂTHAONA 12:8

Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 21:31

Cha su liata ama pano ta bie amâ taih raihriepa vâta, cha su cha Besebâ bipa a châ.

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

ÂTHAONA 22:13

Abarahâ cha kaw ua ta, mohmia pasaih ta, mietaku tôhpa pô kha chhohbuh liata a ki a taw hapa a hnôhky liata vaw y thlâh ha ta. Abarahâ cha vawh ta, mietaku tôhpa cha patu ta, a sawchapawpa vyuhpa ta raopa hlâna ta hlâ ta.

ÂTHAONA 28:10

Zakaw cha Besebâ tawhta pua ta, Harânâ pangaipa ta sie ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

ÂTHAONA 33:20

Cha liata maisâh padua ta, a moh El-Elôhe-Izarei a bi.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

ÂTHAONA 35:7

Cha liata maisâh tao ta, a unawhpa tawhta â râ nota Khazohpa a hnohta â luahna su a châpa vâta, a moh ta Elbethel a bi.

ÂTHAONA 4:4

Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

ÂTHAONA 45:28

Izarei ta, “Â daih na, ei sawchapawpa Zawsi cha a hroh thlâh ha na. Zu aw na ta, ei thi hlâta ano cha ei za hmô aw,” tah ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

HMOTAOPAZY 7:15

Zakaw cha Izi râh lâ zu ta, cha liata ano nata miah pathlatuhpazy cha thi ei ta,

ZAWSUA 24:4

Aisika hnohta Zakaw nata Esaw pie na ta. Esaw cha a ryuto châta Seirâ tlâh râh ei pie. Zakaw nata a sawzy cha Izi râh lâ zu ei ta.

1 SAMUELA 3:20

Dânâ tawhta Besebâ taihta Izarei zydua ta Samuela cha Abeipa hrohsopa châta paduapa a châ tahpa pahno ha ei ta.

1 SAMUELA 8:2

A sawchapaw uhtheipa moh cha Zôela châ ta, a pazipa moh cha Abizah a châ. Âmo pano he Besebâ liata ryureituhpazy ama châ.