ÂTHAONA 45:27 - Mara Bible RV (BSI)

²⁷ Châhrasala Zawsi ta ama hnohta bie a reipa zydua chho ei ta, a kia awpa talailihzy Zawsi ta a paphaopa a hmô nahta, ama paw Zakaw cha palôh thadâhpa ta y ha ta.

ÂTHAONA 45:27 ပူးပေါင်းရင်းမြစ်များ

ÂTHAONA 45:19

Hetana heta na chho pâ aw ei: ‘Nama hawti chyhpazy châta nata nama lapinôzy châta Izi râh tawhna heta talailihzy a chhi aw ei chi ta, nama paw cha a zâ chhi u la, a zu muh vy.

ÂTHAONA 45:28

Izarei ta, “Â daih na, ei sawchapawpa Zawsi cha a hroh thlâh ha na. Zu aw na ta, ei thi hlâta ano cha ei za hmô aw,” tah ta.

HLAZY 85:6

Na phopi he nâma liata â ly thei nawpa ta, Miah pahra heih aw va chi ma?

BIESOZY 25:25

Râh hlapi tawhta thâtih phapa cha, Dâhphipa châta ti chakuapa hawhta a châ.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

HÔSIA 6:2

Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

RYUREITUHPAZY 15:19

Khazohpa ta Lehi liata khaohtlô a ypa cha pahy ta, ti vaw pua ta. Ti a do khai nahta, a palôh tha vaw tlô ta, tha thiehpa vaw hnei ha ta. Chavâta cha su moh cha Enhakôre tahpa a châ. Tahmâ taihta Lehi liata a y thlâh haw.

1 SAMUELA 30:12

theiku viahchhâ pakâhpa tlâ kha nata kre pachawhpa sao no pie ei ta. A nie khai nahta, a palôh tha vaw tlô heih ta. Noh thôh nata zâ thôh chhôh viahchhâ nie leipa nata ti do leipa ta a vaw ypa a châ.