ÂTHAONA 45:1 - Mara Bible RV (BSI)

¹ Zawsi cha a kiapâh liata a duahpa zydua hmiakô liata â oh thei khao leipa ta, “Chyhsa zydua kei tawhta papua khai teh u,” tahpa ta awh ta. Zawsi ta a unawhzy â pahnosa nota, a kiapâh liata ahy hmah y veih ei.

ÂTHAONA 45:1 ပူးပေါင်းရင်းမြစ်များ

ÂTHAONA 42:24

Zawsi cha âmo tawhta pua ta, arulâta kei cha ta. Âmo lâ a vy heih ta, âmo cha bie a chho ta. Simeôna cha ama hry tawhta ânano ta a chhi ta, ama mohmô ta chahry ta.

ÂTHAONA 44:34

Hawtipa ei hnohta a sie leipa khiahta cha, kheihta ma ei paw lâ ei khy ngâh aw? Ei paw chô liata chhiena a tlô awpa cha moh ngâh va na,” tah ta.

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

2 SAMUELA 13:9

Ukâ cha cheihtha ta, viahchhâ thaoh ta a hmiakô liata kei soh ta, châhrasala nie khoh leipa ta. Amanaw ta, “Chyhsa zydua papua khai teh u,” tah ta. Chatanachata puasai khai ha ei ta.

ISAI 42:14

Bohpi a vaw chalih ha na ta, A thlih thlâh hapa ta maoh ei oh lylia. Tahmâ deikua cha, Chanô sawzeihpa hawhta awh aw na ta, Huchahâpa nata huhiahpa ta ei y bâ aw.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

HMOTAOPAZY 10:41

Chyhsa zydua hnohta a luah leipa ta, ano pahnokheituhpa châ awpa ta Khazohpa ta a raopa, athihpa hry tawhta a thyuheih tawhta a hnohta nie ta a dohpa, keimo hnoh deita ta â luah.

HMOTAOPAZY 7:13

Ama sie ei nona liata, Zawsi ta a unawhzy cha a pahnosa ta, chatanachata Zawsi chhôhkha cha Phiraoh pahnopa châ ha ei ta.

1 KAWRINI 13:5

a nôchhie vei. Kyhpachâna cha ano phana dei pachâ leipa ta, a hiehâh khoh hra leipa ta, paraopazy a thei thlâh ha vei.