ÂTHAONA 44:20 - Mara Bible RV (BSI)

²⁰ Keimo ta ei zibeipa hnohta, ‘Paw hnei pi ta, ano cha pawpi kaw bâ ta, a pawpi tawhta a sapa unawh hawtipa pakha eima hnei. Ano unawhpa cha thi ha ta, ano nô ta a sapa liata ano deita hroh ta, a paw ta ano cha a dao ngaita,’ tahpa ta cha chho pi ta.

ÂTHAONA 44:20 ပူးပေါင်းရင်းမြစ်များ

ÂTHAONA 35:18

Chatawhcha Râkheli cha thi ha ta, a thlahpa a pathlie hai nota, a moh Benôni tahpa ta kaw reih ta, châhrasala a paw ta Benzami tahpa ta a moh a bi.

ÂTHAONA 37:19

Âmo nata âmo a chhohia ei ta, “Moh tua u, mâ a sapa â vy huh.

ÂTHAONA 37:3

Izarei ta Zawsi cha a pawpi tawhta a sapa a sawchapaw a châpa vâta, a sawchapaw hropa zydua hlâta a kyh pachâ via ta, viahkao pasipa cheichapaipa taopa ta.

ÂTHAONA 42:13

Âmo ta, “Keimo, châ chakaotuhpazy pi he, unawh pahrawh hleino châ pi ta, Kâna râh liata a ypa chyhsa pakha saw eima châ. Eima seihnai chaipa cha tahmâ eima paw hnohta y ta, pakha deikua cha y khao vei,” tah ei ta.

ÂTHAONA 42:36

Ama paw Zakaw ta ama hnohta, “Sawzy pahlei awpa ta eina tao lymâ ei chi he. Zawsi y khao leipa ta, Simeôna chhao y khao hra vei. Tahmâ Benzami taih chhao a chhi a chhuah heih ei chi ta, hmo pha leipa sai ta eina tla thlu lymâ,” tah ta.

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 46:21

Benzami sawchapawzy cha Belâ, Bekhe, Asabe, Kerâ, Nâmâ, Ehi, Rôsâ, Mupi, Hupi nata Ardâ zy ama châ.

ÂTHAONA 49:8

“Zudâh, nâ cha na unawhzy ta cha reithai aw ei ta, Na ku ta na chariahzy rao patu aw ta, Na paw sawchapawzy na hmiakô liata amâ bôh aw.

LUKA 7:12

Khih hawka â kei hnia nahta, athihpa amâ vaw sypa hmô ta. Cha chyhsa cha nôhmei sawchapaw matlupa a châ. Khihsaw hluhpi a hnohta a vy hra ei ta.