ÂTHAONA 44:17 - Mara Bible RV (BSI)

¹⁷ Zawsi ta, “Cha hawh ngâsâ ta la tao aw va na. A ku liata nyu ama hmôpa deita he nâ chakaotuhpa ta a y aw. Nâmo cha thlalôhpa ta nama paw lâ sie muh vy,” tah ta.

ÂTHAONA 44:17 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ÂTHAONA 26:29

Na pei cha hria leipa pi ta, hmo phapa dei leipa ta na chô liata khâpa hmah tao beih leipa pi ta, thlalôhpa ta eima cha pasiesapa hawhna khata, nâ chhao ta eima chhie nawpa na tao lei nawpa ta, na hnohta biehrai tao awpa eima khoh. Tahmâ cha Abeipa ta byhnâ a piepa na châ haw,” tah ei ta.

ÂTHAONA 42:18

A noh thôhna noh liata, Zawsi ta ama hnohta, “Khazohpa chi tlôh na ta, chavâta hetana heta tao u la nama hroh aw:

ÂTHAONA 44:10

Ano ta, “Nama bie hawhta châ mawh sy. Cha hmo ei hmôna chyhsa cha nâ chakaotuhpa ta y tlai aw ta, ahropazy deikua cha thaileina a hnei leipa nama châ aw,” tah ta.

ÂTHAONA 44:16

Zudâh ta, “Ei zibeipa hnohta khâpa eima cha chho aw? Khâpa eima reih aw? Kheihawhta ma eimâ reipasia thei aw? Khazohpa ta châ chakaotuhpazy moleina a hmô hapa a châ. Keimo chhao, a ku liata nyu ama hmôpa chhao, ei zibeipa chakaotuhpazy eima châ,” tah ta.

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

HLAZY 75:2

Nâ ta, “Daihti ei raopa liata, Â dopa ta ei pachia aw.

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.