ÂTHAONA 43:9 - Mara Bible RV (BSI)

⁹ Â boh nawpa ta, kei he a vyuhpa ta sokhâhpa châ aw na ta, a hrona ei ku tawhta nâ hnaw aw. Ano cha nâ lâ a vaw liekhei heih leipa ta, na hmiakô liata ei paduasa heih leipa khiahta cha, keima ta chhâzaw ta a maoh ei phaoh aw.

ÂTHAONA 43:9 ပူးပေါင်းရင်းမြစ်များ

ÂTHAONA 31:39

Sahrâhpa ta a taipazy chhao, na hnohta vaw cheih beih va na. Aleipazy vyuhpa kei ta ei pabie lymâ tyh. Nohchhô ta ama parupa tlyma, zâ ta ama parupa tlyma, thô awpa ta einâ hnaw tyh chi.

ÂTHAONA 42:37

Rubena ta a paw hnohta, “Benzami he nâ lâ ei vaw liekhei heih leipa khiahta cha, ei sawchapaw panozy he thie lah vâ chi. Ano cha ei ku liata soh la, nâ lâ ei vaw liekhei heih aw,” tah ta.

ÂTHAONA 43:10

Pahawhpasâh leipa sih la cha, ei no eimâ kaw lie ha bâ awpa tlai,” tah ta.

ÂTHAONA 9:5

Nama hrona thisaih phuh ei cha lapa aw ei. Chyhsapa thisaih a palopa sa chô liata thisaih phuh la aw na ta, a unawhpa thisaih a palopa chyhsa chô liata thisaih phuh ei la aw.

2 SAMUELA 14:9

Tekô chanô ta abei hnohta, “Hy ei zibeipa abei y, thisaih maoh cha keima nata ei paw chhôhkha chô liata y sala, abei nata a beidyuchhai cha maophaoh khah sy,” tah ta.

1 ABEIZY 1:21

Chataleipatala he hawhta a vaw châ pathlei aw na. Ei zibeipa abei he ano a pathlatuhpazy hnohta â mô tita cha, kei nata ei sawchapawpa Sawlawmaw he hmoparaotuhpazy hawhta pachâpa eima châ aw,” tah ta.

ZAWBÂ 17:3

“Hy Khazohpa, sôhkâ na sopa mah y, Sôhkâ nâ sopa awpa mohropa hnei va na.

HLAZY 119:122

Châ chakaotuhpa pha nawpa bie a taih la, Akhotlâhpazy ta eina tlybai awpa ei pasaih khah y.

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

EZEKIA 33:6

Riahvaituhpa ta zaozi a vaw tlôpa cha hmô ta, châhrasala chiahmie a tô leipa vâta, phopi cha zikyu a râpa châ leipa ei ta, chavâta zaozi a vaw tlô tita ama hry liata chyhsa ahy rai a leidia khiahta deikua cha, cha chyhsa cha a paraona vâta a leidiapa châ ta, a thisaih maoh deikua cha riahvaituhpa ku liata ei hnaw aw.

EZEKIA 33:8

Moleipa hnohta, ‘Hy moleipa, na thi tlai awpa a châ,’ ei tah nota, moleipa cha a hrozie siesai awpa ta zikyu nâ râ leipa khiahta cha, moleipa cha a paraona liata thi aw ta, a thisaih maoh na phaoh aw.

LUKA 11:50

Chavâta leilô y tua no tawhta hrohsopazy thisaih maoh cha, he chhâ heta ama phaoh aw.

HEBRAI 7:22

Cha bietai vâna chata Zisu cha biehrai pha viapa pa-ituhpa a vaw châ haw.