ÂTHAONA 43:8 - Mara Bible RV (BSI)

⁸ Zudâh ta a paw Izarei hnohta, “Hawtipa he ei hnohta pasiesa la, thyu aw pi ta, eima sie aw. Chatanachata keimo nata nâ nata eima sawtazy he thi leipa aw pi ta, eima hroh thei aw.

ÂTHAONA 43:8 ပူးပေါင်းရင်းမြစ်များ

ÂTHAONA 42:2

“Pachâ teh u, Izi râh liata sâh a y tahpa ei thei. Cha lâ cha zu u la, cha liata eima châta sâh za chalei teh u. Chatanachata thi leipa aw pi ta, eima hroh aw,” tah ta.

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 44:20

Keimo ta ei zibeipa hnohta, ‘Paw hnei pi ta, ano cha pawpi kaw bâ ta, a pawpi tawhta a sapa unawh hawtipa pakha eima hnei. Ano unawhpa cha thi ha ta, ano nô ta a sapa liata ano deita hroh ta, a paw ta ano cha a dao ngaita,’ tahpa ta cha chho pi ta.

ÂTHAONA 44:26

Keimo ta, ‘Zu thei aw ma pi. Eima unawh seihnai chaipa eima hnohta â hlao hra khiahta deikua cha, eima zu heih aw. Eima unawh seihnai chaipa eima hnohta â hlao vei khiahta cha, cha chyhsa hmia hmô thei khao aw ma pi,’ tah pi ta.

ÂTHAONA 45:19

Hetana heta na chho pâ aw ei: ‘Nama hawti chyhpazy châta nata nama lapinôzy châta Izi râh tawhna heta talailihzy a chhi aw ei chi ta, nama paw cha a zâ chhi u la, a zu muh vy.

ÂTHAONA 50:21

Chavâta chi khuh vy. Nâmo nata nama hawtizy ei cha mohôh lymâ aw ei,” tah ta. A unawhzy cha ama thlah palôhpa ta, reikah phapa ta âmo cha bie a chho ta.

ÂTHAONA 50:8

Zawsi chhôhkha zydua, a unawhzy nata a paw chhôhkhazy chhao a hnohta khy khai ei ta. Ama hawtizy, ama mietaku zawzy nata ama viahchao hrizy deita Kôse râh liata ama siesai.

2 ABEIZY 7:13

A chakaotuhpa pakha ta a chhy ta, a hnohta, “Chyhsa thokha tuah sih la, khihpi liata arâ a y tlakaihpazy hry liata pô pangawh he a chhi ei sala, kei moh tua mawh ei sy. Khihpi chhôh liata a ypazy cha Izarei zawpi a thi hapa hawhta pachâpa châ pi ta, chavâta a puapazy chhao, khihpi chhôh liata a ypazy chhao, ananona y khao vei” tah ta.

2 ABEIZY 7:4

‘Khihpi chhôh lâ a ngia ei suh u,’ tah mawh sih la, khihpi chakâh tlôh ei ta, cha liata thi pyly aw pi. He liata eimâ tyupa chhao ta, thi pyly aw pi. Chavâta a vy teh u, Aramia pheisaihzy riehmo lâ vawh thlâh tua suh u. Eima hrona miah ama pahlôh khiahta cha, hroh aw pi ta, miah ama thie khiahta cha, cha liata thi thlâh ha lah vâ pi,” tah ei ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

HLAZY 118:17

Thi leipa aw na ta, Hroh aw na ta, Abeipa hmotaopazy ei phuah aw.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

MALUHREINA 14:31

Anodeikuacha patupa ta ama y aw nama tahpa nama sawzy he a chhi aw ei na ta, âmo heta nama dythapa râh cha ama pahrâ aw.

RYHPACHANEINA 33:6

“Rubena cha hroh sala, Thi khah sy; A pathla maluh deikua, Chyh mawh sy.”