ÂTHAONA 43:34 - Mara Bible RV (BSI)

³⁴ Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

ÂTHAONA 43:34 ပူးပေါင်းရင်းမြစ်များ

ÂTHAONA 35:24

Râkheli sawchapawzy cha Zawsi nata Benzami ama châ.

ÂTHAONA 45:22

Ama zydua ta chysia a patly awpazy pie ta. Benzami chhochhi cha tâkâ sekel za thôh nata chysia a patly awpa zo pangawh a pie.

2 SAMUELA 11:8

Dâvi ta Uria hnohta, “O lâ a di la, na pheizy a zâ si teh,” tah ta. Uria cha abei o tawhta pua ta, abei tawhta kuhria ta ano cha pazi ta.

BIESOZY 31:6

Leidia haipazy hnohta sahma pie u la, Palôh pasapazy hnohta kresawhti pie teh u.

BIECHHOTUHPA 10:19

Pahnei awpa ta kyhchhi taopa châ ta, Kresawhti ta hro palysa ta, Tâkâ cha khopa to hneina a châ.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

ZAWHÂNA 2:10

a hnohta, “Chyhsa to ta kresawhti phapa rai tua tyh ei ta, a hluh via ta ama doh khai tawhta a pha lei viapa ama rai tyh. Nâ deikua cha tahmâ taihta kresawhti phapa nâ khai thlâh hapa he,” tah ta.

1 SAMUELA 1:5

Hânâ deikua cha, Abeipa ta a chhi a khaw hapa chhao ta, a kyh a pachâ ngaitapa vâta, vyuh no a pie tyh.