ÂTHAONA 43:18 - Mara Bible RV (BSI)

¹⁸ Zawsi o lâ a chhipa ama châpa vâta chi kaw ei ta, “Eimâ zu tua nota, eima sykhao liata tâkâ miah a pakuapazy vâ khata miah â chhi hih. Miah a tei nawpa ryhpaohna tluapa ta, miah thyuhnao ta, sei ta miah patupa ta, eima alâzy a la khai â chhuah hih,” tah ei ta.

ÂTHAONA 43:18 ပူးပေါင်းရင်းမြစ်များ

ÂTHAONA 42:21

Âmo nata âmo a chhohia ei ta, “Eima unawhpa chô liata eima hmotaopa vâta thailei eima châ ha tlai he zaw. Ngiachhie miah â haw ngâ nota a palôh nôpozie kha hmô thlâh ha pi ta, châhrasala eima nathlie khoh leipa kha. Chavâta he nôpona heta miah a tla thlu hih,” tah ei ta.

ÂTHAONA 42:27

Riebu liata ama hry liata pakha ta alâ lao pie awpa ta a sykhao pahy ta, a tâkâ kha a sykhao paka liata a vaw y thlâh hapa hmô ta.

ÂTHAONA 42:28

A unawhzy hnohta, “Ei tâkâ eina pakua ha ei, moh tua u, ei sykhao paka liata a y thlâh hih,” tah ta. Thata a pahlaw ei ta, a chalyupa ta a moh chyu ei ta, “Eima chô liata Khazohpa hmotaopa he khâpa ma a châ tly?” tah ei ta.

ÂTHAONA 42:35

Ama sykhao liata sâhzy cha bô ei ta, ama tâkâ sô chyu cha ama sykhao liata vaw y thlâh ha ta. Tâkâ sôzy ama hmô nahta, âmo chhao, ama paw chhao, chi ngaita ei ta.

ÂTHAONA 43:17

Cha chyhsa chata Zawsi biepiepa hawhta tao ta, chyhsazy cha Zawsi o lâ a chhi ta.

ÂTHAONA 43:19

Zawsi o avaotuhpa kiapâh lâ vawh ei ta, chhikao thaby liata bie a chho ei ta,

ÂTHAONA 44:8

Eima sykhao paka liata tâkâ eima hmôpazy chhao kha, Kâna râh tawhta nâma lâta eima za phao pakhua hapa kha. Kheihta ma na zibeipa o liata tâkâ tlyma, ngôh tlyma eima paru thei aw?

ZAWBÂ 15:21

Chichhihpa pyuzy a nah ta thei ta, A phasa hai nota paraotuhpa ta â vyhnao aw.

ZAWBÂ 30:14

Apyupa liata ti puapa hawhta vaw pua ei ta, Vahpi ti hawhta raokeina hry liata amâ vaw chakhao.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

HLAZY 73:16

Cha hmo cha pahno ei chhuah nahta, Kei châta pahno ru ngaitapa châ ha tyh ta;

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

MÂKA 6:16

Herawda deikua ta a thei nahta, “A luh ei tai hapa Zawhâna a vaw thyu heihpa a châ chuh,” tah ta.

RAWMA 7:8

Châhrasala moleina ta biepiepa cha rypaohna ta hmâpa ta, uahvana to kei liata a paysa tyh. Ryhpa y leipa sala, moleina cha a thipa a châ.

RYHPACHANEINA 22:14

‘He chanô he hnei na ta, châhrasala ano ei hnia nahta, laihsakôpa a châna ano liata hmô va na,’ tahpa ta pathaih leipa hawhta baipa ta, a moh a pachhie khiahta cha,

RYHPACHANEINA 22:17

“Na sawchanô he laihsakôpa a châna hmô va na,” tahpa ta pathaih leipa hawhta bai ta. Hezy he ei sawchanô laihsakôpa a châna pasiana a châ hih,’ tah aw ta, khihpi machâzy hmiakô liata poh ama pakai aw.

RYUREITUHPAZY 13:22

Manôah ta a lapinô hnohta, “Khazohpa hmô ha pi ta, eima thi tlai aw,” tah ta.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.