ÂTHAONA 43:11 - Mara Bible RV (BSI)

¹¹ Ama paw Izarei ta ama hnohta, “Cha hawhta a châ khiahta cha, hetana heta tao muh vy: He râh liata theilâpa pahâh chaipazy he a chyhta sai ta nama sykhaozy liata pasâ u la, cha chyhsa châta kuhria, thochathli thohna, kheihti, ropahâhpa, myrâ, theilâ hyhkua châpa nata kuasâh theizy phaopa muh vy.

ÂTHAONA 43:11 ပူးပေါင်းရင်းမြစ်များ

ÂTHAONA 33:10

Zakaw ta, “Châ vei, na ngiachhiena ei hmô khiahta la, ngiachhiepa ta ei kuhriazy he ei ku tawhta nâ hlâ mah y. Na hmia ei vaw hmô thlâhpa cha, Khazohpa hmia a hmôpa hawhta châ na ta, nâ chhao ta nâ pyh chi ta.

ÂTHAONA 37:25

Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

ÂTHAONA 43:10

Pahawhpasâh leipa sih la cha, ei no eimâ kaw lie ha bâ awpa tlai,” tah ta.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

ÂTHAONA 43:15

Chatanachata kuhriazy cha phaoh ei ta, tâkâ chhao a lie no ta phaoh ei ta. Thyu ei ta, Benzami a chhipa ta Izi râh lâ cha zu ei ta, Zawsi hmiakô liata zâ duah ei ta.

ÂTHAONA 43:25

Cha liata pati ama nie awpa ama pahnopa vâta, nohchhô ta Zawsi â vy daihti liata pie awpa ta ama kuhriazy a chhuanoh chhielie ei ta.

ÂTHAONA 43:26

Zawsi â vaw di nahta, ama kuhriazy o chhôh lâ cheipa ei ta, alei lâ a bôhpa ta ano cha a naoh ei ta.

1 ABEIZY 10:15

Chazy cha sôdaohpazy, sôhpaliepazy, notla bei zydua nata râh ryureituhpazy ta râhpaw ama piepazy thota Sawlawmaw liata a ngiapa ngôhzy a châ.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

1 ABEIZY 15:19

“Ei paw nata na paw likah liata biehrai a ypa hawhna khata, keima nata nâma likah liata chhao biehrai tao sih y. Moh teh, tâkâ nata ngôh kuhriazy ei cha kaw paphao hih. Izarei bei Bâsâ ta ei nâ sysai thei nawpa ta, vawh la, a hnohta biehrai na taopa kha kei parao teh,” tah ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

2 ABEIZY 16:8

Ahâza ta Abeipa o liata tâkâ nata ngôh a ypazy nata abei o ryubyh liata a ypazy la ta, Asuria bei lâ kuhria paphao ta.

2 ABEIZY 20:12

Cha daihti liata, Bâladâ sawchapawpa Babylaw bei Merôdâ Bâladâ ta Hezekia tlâhleipa thâtih vaw thei ta. Hezekia lâta vyuhtuapazy tuah ta, châ nata kuhria zy paphao ta.

2 ABEIZY 8:8

Abei ta Hâze hnohta, “Kuhria a chei la, Khazohpa chyhsa cha a kei hmô la, ano hmâpa ta Abeipa a kei saohiah la, a hnohta, ‘He pasana tawh heta ei tlâh thei aw ma?’ tahpa ta na hiahripa mah y,” tah ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 68:29

Zerusale liata nâma Achhyna o vâta, Beizy ta kuhriazy ama cha vaw cheipa aw.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 76:11

Abeipa nama Khazohpa liata biezy a taih u la, Nama bietaizy cha patlô muh vy; Chi awpa lâna chata a chheipâh râhzy ta, Hmosaipiepazy vaw cheih mawh ei sy.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

BIESOZY 17:18

Pahnona a phahlapa cha bie a taih ta, A vaihzy mohmô ta sôhkâ a sokhâh tyh.

BIESOZY 18:16

Kuhria piepa cha a pietuhpa châta lâpi tao ta, Chyhsa rônahpazy hmiakô liata â chhi tyh.

BIESOZY 19:6

Chyhsa hluhpi ta riaphapa khokheina tlua ei ta, Hmosaipa a pietuhpa cha chyhsa to viasa a châ.

BIESOZY 21:14

Arulâta hmosai piepa ta hiehâhna padia ta, Kalachhôh liata panaopapana nyupa ta pathiiana rupa a padia tyh.

HLAZY HLA 4:10

Hy ei sietanô, keima myuh thieh, Na kyhpachâna khoiah a vaw hnei rimâ cha! Na kyhpachâna kresawhti hlâta pahâh via syulyu ta, Na sathaw ropahâhpa chhao, Ropahâhpa zydua hlâta a pahâh via.

HLAZY HLA 4:14

Spinâ nata iahsamai zy y ta, Basuh ropahâhpa nata lôiasoh zy a y. Ropahâhpa tho to y ta, Deiryh nata lilipaw chhao a y; Ropahâhpa chi to yna sadô a châ.

HLAZY HLA 8:14

Hy ei lôhdupaw, a para teh, Sakhih hawhta châ la; Ropahâhpa tlâhpizy liata, Zuneih tôh lochopa lyu mah y.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

EZEKIA 27:15

Dedâ mo chhao ta châ daoh ei ta, tilaipi kiah râh hluhpizy chhao, na hmo zuana râhzy ama châ. Na hmozy ama chaleina mâ châta sianaohzy nata tho vyhpazy ama cha pie.

EZEKIA 27:17

Zudâh nata Izarei râh chhao ta châ daoh ei ta, Mini khih âtâ sâh, hmo thlôhpazy, kheihti, sathaw nata thohnazy ta na hmozy ama cha ri tyh.

EZEKIA 27:22

Sebâ nata Râmâ sôhpalietuhpazy ta châ daoh ei ta, ia-ô pahâh chaipa chi to, lôsôhpa chi to nata ngôh zy ta na hmozy ama cha ri tyh.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

HMOTAOPAZY 21:14

Pahnawhsa thei awpa a châ leipa vâta, “Abeipa rei sai châ mawh sy,” tah pi ta, eimâ chalihsai haw.

RYHPACHANEINA 33:14

Noh thei sôhpazy pie sala, Thla kôvei phazy pie mawh sy.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.

1 SAMUELA 9:7

Sawla ta a chakaotuhpa hnohta, “Vawh ei sih la, cha chyhsa châta khâpa ma eima cheipa aw? Eima sahriazy liata viahchhâ hra cha y khao tlôh va, Khazohpa chyhsa châta kuhria eima cheipa awpa y vei. Eima hneipa a y rai ma?” tah ta.