ÂTHAONA 42:4 - Mara Bible RV (BSI)

⁴ Zawsi pilâhpa Benzami deikua cha, Zakaw ta, “Hmo pha leipa â tyh pathlei aw na,” tah ta, a unawhzy hnohta pasiesa vei.

ÂTHAONA 42:4 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 3:22

Zehôvâh Khazohpa ta, “Moh teh u, chyhsapa cha chhie nata pha pahnona hneipa ta keimo hry liata pakha hawh tlai ta a vaw châ ha hih! A ku ta hrona tho chhao pazapa ta nie aw ta, tlyzaw ta a hroh pathlei aw na,” tah ta.

ÂTHAONA 35:24

Râkheli sawchapawzy cha Zawsi nata Benzami ama châ.

ÂTHAONA 42:3

Chatanachata Zawsi unawh pahrawhzy cha, sâh chalei awpa ta Izi râh lâ zu ei ta.

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

ÂTHAONA 43:29

Zawsi cha mohmia pasaih ta, a unawhpa Benzami, a nô sawchapawpa kei hmô ta, “Kha kha nama unawh seihnai chaipa a thâtih eina chhopa ei chi kha a châ ma?” tah ta. A hnohta, “Ei sawchapawpa, Khazohpa ta cha ngiachhie mawh sy!” tah ta.