ÂTHAONA 42:38 - Mara Bible RV (BSI)

³⁸ Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 42:38 ပူးပေါင်းရင်းမြစ်များ

ÂTHAONA 37:33

Zakaw ta viahkao pasipa cha moh ta, “Ei sawchapawpa viahkao pasipa tlai a châ. Sahrâhpa ta a sie ha hih. Zawsi cha hriechheih khaipa ta a y ha tlai he zaw,” tah ta.

ÂTHAONA 37:34

Zakaw cha a chysiazy hrie ta, latho poh a sai ta, noh hluhpi a sawchapawpa mâchhie sa ta.

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

ÂTHAONA 42:13

Âmo ta, “Keimo, châ chakaotuhpazy pi he, unawh pahrawh hleino châ pi ta, Kâna râh liata a ypa chyhsa pakha saw eima châ. Eima seihnai chaipa cha tahmâ eima paw hnohta y ta, pakha deikua cha y khao vei,” tah ei ta.

ÂTHAONA 42:37

Rubena ta a paw hnohta, “Benzami he nâ lâ ei vaw liekhei heih leipa khiahta cha, ei sawchapaw panozy he thie lah vâ chi. Ano cha ei ku liata soh la, nâ lâ ei vaw liekhei heih aw,” tah ta.

ÂTHAONA 42:4

Zawsi pilâhpa Benzami deikua cha, Zakaw ta, “Hmo pha leipa â tyh pathlei aw na,” tah ta, a unawhzy hnohta pasiesa vei.

ÂTHAONA 43:13

Nama unawhpa chhao cha a chhi u la, thyu u la, cha chyhsa lâ cha sie heih teh u.

ÂTHAONA 44:20

Keimo ta ei zibeipa hnohta, ‘Paw hnei pi ta, ano cha pawpi kaw bâ ta, a pawpi tawhta a sapa unawh hawtipa pakha eima hnei. Ano unawhpa cha thi ha ta, ano nô ta a sapa liata ano deita hroh ta, a paw ta ano cha a dao ngaita,’ tahpa ta cha chho pi ta.

ÂTHAONA 44:22

Keimo ta ei zibeipa hnohta, ‘Hawtipa cha a paw siesai thei aw vei, a paw a siesai khiahta cha a paw cha a thi thlâh ha aw,’ cha tah pi ta.

1 ABEIZY 2:6

Chavâta na sona hmâh la, pha na tahzie hawhta tao mah y, a luh pawhpa cha thlalôhpa ta Athihkhih lâ pasiesa khah y.

ZAWBÂ 41:32

A siena hniehnôh patliepa ta paysa ta, Chyhsa ta ti athupa cha sâ pawhpa khiah ma a hnei a tah tyh.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

ISAI 46:4

Nama machâna taih chhao ta, Ano cha châ aw na ta; Nama sâ pawhna taih chhao ta, Ei cha pi lymâ aw ei. Nâmo châ taotuhpa châ na ta, Nâmo châ pyhtuhpa ei châ aw; Cha pi aw ei na ta, Ei cha pachha aw ei.