ÂTHAONA 42:36 - Mara Bible RV (BSI)

³⁶ Ama paw Zakaw ta ama hnohta, “Sawzy pahlei awpa ta eina tao lymâ ei chi he. Zawsi y khao leipa ta, Simeôna chhao y khao hra vei. Tahmâ Benzami taih chhao a chhi a chhuah heih ei chi ta, hmo pha leipa sai ta eina tla thlu lymâ,” tah ta.

ÂTHAONA 42:36 ပူးပေါင်းရင်းမြစ်များ

ÂTHAONA 42:37

Rubena ta a paw hnohta, “Benzami he nâ lâ ei vaw liekhei heih leipa khiahta cha, ei sawchapaw panozy he thie lah vâ chi. Ano cha ei ku liata soh la, nâ lâ ei vaw liekhei heih aw,” tah ta.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

ÂTHAONA 44:12

Ama uhthei chaipa tawhta a thaopa ta, ama seihnai chaipa taihta tlua ta, nyu cha Benzami sykhao liata hmô ta.

ÂTHAONA 45:28

Izarei ta, “Â daih na, ei sawchapawpa Zawsi cha a hroh thlâh ha na. Zu aw na ta, ei thi hlâta ano cha ei za hmô aw,” tah ta.

ÂTHAONA 47:12

Zawsi ta a paw nata a unawhzy nata a paw chhôhkha zydua cha, ama chhôhkha maluh hawhta nie awpa a pie lymâ ei.

ZAWBÂ 7:7

“Ei hrona he ziza hawh dei a châ tahpa a thei mah y, Ei mo heta alyna hmô heih khao aw vei.

HLAZY 34:19

Mosiapa cha pasa hluhpi tao ta, Châhrasala cha zydua tawhta Abeipa ta a pachha lymâ.

BIECHHOTUHPA 7:8

Hmo chhâna cha â thaona hlâta pha via ta, Palôh maoh oh theina cha palôh laipa hlâta a pha via.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ZEREMIAH 31:15

Abeipa ta hetana heta a tah: “Râmâ liata pyu theipa châ ta, Chaphôhtuna nata vâsâhpa ta chana ao theipa a châ. Râkheli ta a sawzy chakhei ta, A sawzy ama y khao leipa vâta, A thlah palôh thei awpa châ vei.”

MATHAI 14:31

Zisu ta a ku thlai kei pazawh ta, Pity cha patu ta, a hnohta, “Hy nâ, ngiapâ chyhpa, khazia nâ lôh vei?” tah ta.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.