ÂTHAONA 42:28 - Mara Bible RV (BSI)

²⁸ A unawhzy hnohta, “Ei tâkâ eina pakua ha ei, moh tua u, ei sykhao paka liata a y thlâh hih,” tah ta. Thata a pahlaw ei ta, a chalyupa ta a moh chyu ei ta, “Eima chô liata Khazohpa hmotaopa he khâpa ma a châ tly?” tah ei ta.

ÂTHAONA 42:28 ပူးပေါင်းရင်းမြစ်များ

ÂTHAONA 27:33

Aisika cha thata a chalyu ta, “Cha khiah, sa ka ta, kei lâ vaw cheih ta, na vaw tlô hlâta na paniesa ta, a châta byhnâ ei aw hapa kha, ahy ma a châ tly? Chatatlyh, ano tlai kha byhnâ cha a to aw,” tah ta.

ÂTHAONA 42:29

Kâna râh liata ama paw Zakaw kô ama tlô nahta, ama chô liata hmo a tlôpa zydua cha chho ei ta, a hnohta

ÂTHAONA 42:36

Ama paw Zakaw ta ama hnohta, “Sawzy pahlei awpa ta eina tao lymâ ei chi he. Zawsi y khao leipa ta, Simeôna chhao y khao hra vei. Tahmâ Benzami taih chhao a chhi a chhuah heih ei chi ta, hmo pha leipa sai ta eina tla thlu lymâ,” tah ta.

ÂTHAONA 43:23

Ano ta, “Thlalôhpa ta y teh u, chi khuh vy. Nâmo Khazohpa nata nama paw Khazohpa ta nama sykhaozy liata hmosôhpa a cha pie ei chuh. Nama tâkâ kha ei vaw hmô haw,” tah ta. Simeôna cha âmo lâ vaw papua ta.

1 ABEIZY 10:5

a tlâhkhai liata niedo, a beimachâzy atyuna paryhzie, a chakaotuhpazy chakaozie nata amâ tobizie, a nyu hlâtuhpazy nata Abeipa o liata raopa hlâna a hlâpazy a hmôpa cha, a huhiah chhao so pha thei khao leipa ta.

HLAZY 61:2

Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

HLAZY HLA 5:6

Ei lôhdupaw cha ochhi pahypa na ta, Châhrasala ei lôhdupaw cha a lie ta, Sihnôh a kua syulyu haw. A bie reipa ta ei palôh pakeichheih ta, Tlua na ta, châhrasala hmô khao va na; Aw na ta, châhrasala na chhy khao vei.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

LUKA 21:26

Avâ hmotaotheinazy a chalyu aw ta, khizaw liata hmo a vaw tlô awpa pachâpa ta, chyhsazy chipa ta ama panao aw.

RYHPACHANEINA 28:65

Cha phopizy hry liata huhnona rai hnei leipa aw ei chi ta, nama pheipazah châta a pahâna rai y aw vei. Cha liata Abeipa ta palôh achalyuna, mo bâna nata thlahpa thazeina zy a cha pie aw ei.