ÂTHAONA 42:21 - Mara Bible RV (BSI)

²¹ Âmo nata âmo a chhohia ei ta, “Eima unawhpa chô liata eima hmotaopa vâta thailei eima châ ha tlai he zaw. Ngiachhie miah â haw ngâ nota a palôh nôpozie kha hmô thlâh ha pi ta, châhrasala eima nathlie khoh leipa kha. Chavâta he nôpona heta miah a tla thlu hih,” tah ei ta.

ÂTHAONA 42:21 ပူးပေါင်းရင်းမြစ်များ

ÂTHAONA 41:9

Cha nota, nyu hlâtuhpazy hyutuhpa ta Phiraoh hnohta, “Tanoh he ei tao chheipa ei vaw thei haw.

ÂTHAONA 44:16

Zudâh ta, “Ei zibeipa hnohta khâpa eima cha chho aw? Khâpa eima reih aw? Kheihawhta ma eimâ reipasia thei aw? Khazohpa ta châ chakaotuhpazy moleina a hmô hapa a châ. Keimo chhao, a ku liata nyu ama hmôpa chhao, ei zibeipa chakaotuhpazy eima châ,” tah ta.

ÂTHAONA 45:3

Zawsi ta a unawhzy hnohta, “Zawsi kha ei châ. Ei paw cha a hroh thlâh ha chy ma?” tah ta. Châhrasala a unawhzy ta a chhy thei veih ei. A hmiakô liata ama vaw y thlâh hapa cha ama nô a po ngaita.

ÂTHAONA 50:15

Ama paw a thi hapa ama hmô nahta, Zawsi unawhzy ta, “Zawsi ta miah a hao aw ta, a chô liata hmo pha leipa eima taopa zydua kha viari miah a thô bâ aw,” tah ei ta.

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

BIESOZY 21:13

Sipasapa awna lâta a nah a chahupa cha, Ano chhao awh aw ta a chhypa châ aw vei.

BIESOZY 28:17

Chyhsa thisaih maoh a phaohpa cha, Khaoh­tlô lâ a râ aw ta, Ahy ta hmah bao khah sy.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZEREMIAH 4:18

“Na hrozie nata na hmotaopazy ta He hmo he na chô liata a vaw patlôsapa a châ. He he na raona awpa châ ta, Na pathipalôh chhô pahlie aw ta, A pasa ngaita aw,” Abeipa ta a tah.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

MÂKA 9:48

Kehenâ liata cha, ama lôpa thi beih leipa ta, mei chhao pachhaipa ta y beih vei.

LUKA 16:28

Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta.

HMOTAOPAZY 19:18

Ngiapâtuhpa hluhpi a vy ei ta, ama hmotaopazy a phuahpa ta palâhâh ei ta.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.