ÂTHAONA 42:11 - Mara Bible RV (BSI)

¹¹ Eima zydua heta chyhsa pakha saw châ pi ta, chyhsa dopa eima châ. Châ chakaotuhpazy he mohparutuhpazy châ ma pi,” tah ei ta.

ÂTHAONA 42:11 ပူးပေါင်းရင်းမြစ်များ

ÂTHAONA 42:12

Ano ta ama hnohta, “Châ vei, râh ruapa mo awpa ta a vypa tlai nama châ,” tah ta.

ÂTHAONA 42:16

Nâmo liata biedopa a y ma, y vei ma, nama bie pasia nawpa ta, he liata patâhpa ta nama y chhôh ta, nama hry liata pakha tuah u la, nama unawhpa cha kaw dy mawh sy. Cha hawhta nama tao vei khiahta cha, Phiraoh hrona reipa ta ei reih, mohparutuhpazy nama châ tlai, ei cha tah aw ei,” tah ta.

ÂTHAONA 42:19

Chyhsa dopa nama châ khiahta cha, nama unawh hry liata pakha namâ tâhna liana heta a tâh chy aw ta, ahropazy deikua cha sie aw ei chi ta, nama chhôhkhazy chakâhpa châta sâh cha phaoh aw ei chi ta,

ÂTHAONA 42:31

Keimo ta a hnohta, ‘Chyhsa dopa eima châ, mohparutuhpa châ cheita ma pi.

ÂTHAONA 43:7

Âmo ta, “‘Cha chyhsa chata, nama paw cha a hroh ma? Unawh hropa nama hnei ma?’ tahpa ta keimo thâtih nata eima chhôhkha thâtih zy a sia kawpa ta miah hiahri ta. Bie miah a hiahripazy eimâ chhypa châ ta, ‘Nama unawhpa cha a zâ chhi teh u,’ a tah awpa kheihta eima pahno aw?” tah ei ta.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;