ÂTHAONA 42:10 - Mara Bible RV (BSI)

¹⁰ Âmo ta a hnohta, “Châ vei, ei zibeipa, châ chakaotuhpazy he sâh chalei awpa ta a vypa eima châ.

ÂTHAONA 42:10 ပူးပေါင်းရင်းမြစ်များ

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 27:37

Aisika ta a hnohta, “Ano cha na bei ta ei tao haw. A unawhpa zydua ano chakaotuhpa ta pie na ta, sâh nata kresawhti ta ei pasa haw. Ei sawchapawpa y, na châta khâpa ei tao thei khao aw?” tah ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

ÂTHAONA 42:11

Eima zydua heta chyhsa pakha saw châ pi ta, chyhsa dopa eima châ. Châ chakaotuhpazy he mohparutuhpazy châ ma pi,” tah ei ta.

ÂTHAONA 44:9

Châ chakaotuhpazy hry liana heta, cha hmo na hmôna chyhsa cha thi mawh sy. Keimo chhao ei zibeipa chakaotuhpa ta eima y aw,” tah ei ta.

1 ABEIZY 18:7

Ôbadia cha lâpi liata a sie laih nota, Elaizâh ta a vaw tyh ta. Ôbadia ta Elaizâh cha pahno thlâh ha ta, â khu lâta pao ta, a hnohta, “Nâma ma na châ, ei zibeipa Elaizâh?” tah ta.

1 SAMUELA 26:17

Sawla ta Dâvi ao a châpa pahno ta, a hnohta, “Cha cha nâma ao ma a châ, ei sawchapawpa Davi,” tah ta. Dâvi ta, “Hy abei y, ei zibeipa y, keima ao na a châ,” tah ta.