ÂTHAONA 41:8 - Mara Bible RV (BSI)

⁸ My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

ÂTHAONA 41:8 ပူးပေါင်းရင်းမြစ်များ

ÂTHAONA 40:6

A mylâ my ta Zawsi cha âmo lâ a kei ngia ta, âmo cha moh ta, pachârôhpa ta ama ypa hmô ta.

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:15

Phiraoh ta Zawsi hnohta, “Mâ sa na ta, a chhopasia theipa y veih ei. Nâ cha mâ na thei nahta, na chhopasia theipa kyh ama reipa ei vaw thei,” tah ta.

ÂTHAONA 41:24

Sâh suh sihpazy chata sâh suh patapa suh saripazy cha ama palâ khai haw. Moliethaipazy chho ei na ta, châhrasala nâ chhopasia theipa y veih ei,” tah ta.

ÂTHAONA 41:7

Sâh suh sihpazy chata sâh suh patapa nata pahlypazy cha palâ khai ha ei ta. Phiraoh cha a vaw hra ta, a mâ vaw châ ta.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

PUASAINA 7:22

Châhrasala Izi râh liata moliethaipazy ta ama dyu hmâpa ta, cha hawhta tao hra ei ta. Chavâta Phiraoh palôh cha kuhchhapa ta y ta, Abeipa ta a rei hapa hawhta, ama bie nathlie khoh vei.

PUASAINA 8:7

Châhrasala moliethaipazy ta ama dyu hmâpa ta, cha hawhna tlai chata tao hra ei ta, Izi râh chô liata uphawhzy pakiasa hra ei ta.

PUASAINA 9:11

Izi mo zydua kheihluh ta thla khai ha ei ta, moliethaipazy chhao a thla ha hrapa vâ ei ta, ama kheihluh vâna chata moliethaipazy cha Mawsi hmiakô liata a duah thei khao veih ei.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

DÂNIAH 4:18

He mâ he, kei, Bei Nebukaneza ta sa na ta, nâ, Hy Beltesâza y, a chhopasiana cha phuah teh. Ei beinarâh liata chyhsa sopa zydua ta a chhopasiana na chho thei veih ei. Nâ deikua cha na tao thei aw, khazoh pathaihpazy thlahpa nâma liata a ypa vâta,” tah na ta.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

DÂNIAH 4:6

Chavâta ei mâsapa na chhopasia awpa ta, Babylaw râh liata chyhsa sopa zydua ei hmiakô liata a vaw chhi awpa ta biepie na ta.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 7:28

“Kha kha hmo chhâna cha a châ. Kei, Dâniah cha, ei pachâpazy chata thata na patypamâ ta, ei hmia hlâh khai ha ta, châhrasala cha hmo cha ei palôh liata a vao thlâh ha na ta.”

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 20:6

“Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 2:1

Herawda â bei nota Zudia râh Bethlehe khih liata Zisu a vaw pi nahta, nochhi chyhsa sopazy Zerusale lâ a vy ei ta,

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 7:22

Mawsi cha Izi chyhsa sona zydua pachu ei ta, a bie nata a hmotaopa liata thatlô ngaitapa châ ta.

1 KAWRINI 1:19

“Asopazy sona pahleipadia aw na ta, Athaipazy novâhna ei thy aw,” tahpa ropa a châ.

1 SAMUELA 6:2

Chatawhcha Philistinâ mo ta theihthaipazy nata pachaothaipazy aw ei ta, ama hnohta, “Abeipa Byh he kheihta ma eima tao aw? Khâpa nata ma a yna su lâ eima pasiesa aw tahpa miah chho teh u,” tah ei ta.