ÂTHAONA 41:57 - Mara Bible RV (BSI)

⁵⁷ Khizaw zydua liata chakâh mozoh a tlôpa vâta, Zawsi tawhta sâh chalei awpa ta, râh to tawhta Izi râh lâ vaw pangai ei ta.

ÂTHAONA 41:57 ပူးပေါင်းရင်းမြစ်များ

ÂTHAONA 12:10

Cha râh liata chakâhna vaw tlô ta, râh liata chakâh mozohpa vâta, Abarâ cha Izi râh liata y chy awpa ta zu ta.

ÂTHAONA 41:54

Chakâh kô, kô sari cha, Zawsi ta a reipa hawh tlai ta, vaw tlô pathao ta. Râh to liata chakâhna tlô ta, Izi râh chhôh zydua liata deikua sâh y ta.

ÂTHAONA 41:56

Khizaw zydua liata chakâhna vaw tlô ta, Izi râh liata chhao chakâh mozoh tlô ta. Zawsi ta sawvâ zydua pahy ta, Izi mo hnohta zuah lymâ ta.

ÂTHAONA 42:1

Zakaw cha Izi râh liata sâh a y tahpa a pahno nahta, a sawchapawzy hnohta, “Khazia namâ mo thlâh haw?” tah ta.

ÂTHAONA 42:5

Kâna râh liata chakâhna a tlôpa vâta, Izarei sawchapawzy cha, sâh chalei awpa ta a siepazy hry liata sie hra ei ta.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

ÂTHAONA 43:1

Cha râh liata chakâh mozohna cha tlô lymâ ta.

ÂTHAONA 47:14

Zawsi ta sâh chaleina mâ châta ama vaw cheipa, Izi râh nata Kâna râh liata tâkâ a ypa zydua pahmaoh ta. Zawsi ta tâkâ cha Phiraoh hnohta a pangia lymâ.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

RYHPACHANEINA 9:28

Chataleipatala miah na kaw puakheina râh ta, “Abeipa ta ama hnohta bie â taihpa râh lâ â chhi thei leipa vâ ei ta nata â haopa vâ ei ta, râhchawhpa liata thie awpa ta â chhi papua ei,” ama tah pathlei aw.