ÂTHAONA 41:41 - Mara Bible RV (BSI)

⁴¹ Phiraoh ta Zawsi hnohta, “Pachâ teh, Izi râh zydua chô liata biehneituhpa ta ei cha tao,” tah ta.

ÂTHAONA 41:41 ပူးပေါင်းရင်းမြစ်များ

ÂTHAONA 39:22

Patâhna o vaituhpa ta, patâhna o liata a tâhpa zydua vaih awpa ta, Zawsi ku liata biehneina pie ta. Ama taopa maih liata, a maophaohna a chabatuhpa a châ lymâ.

ÂTHAONA 39:5

Pawtipha ta Zawsi cha a o liata nata a hneipa zydua chô liata biehneituhpa ta a so rakha tawhta, Zawsi vâta Abeipa ta Izi chyhsa chhôhkha cha byhnâ pie ta, o lâ nata râh lâta a hneipa zydua chô liata Abeipa ta byhnâ pie lymâ ta.

ÂTHAONA 41:44

Phiraoh ta Zawsi hnohta, “Kei he Phiraoh ei châ. Nâma bie leipa ta ahy hmah Izi râh chhôh zydua liata ama ku tlyma, ama phei tlyma, ama hy awpa châ vei,” tah ta.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

ÂTHAONA 45:8

He liata nâ vaw tuahtuhpa cha nâmo châ veih ei chi, Khazohpa a châ. Khazohpa ta Phiraoh châta paw ta na tao ta, a chhôhkha zydua châta zibeipa nata Izi râh zydua chô liata ryureituhpa ta eina tao.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

HLAZY 105:21

A o liata hyutuhpa ta tao ta, A hneipa zydua chô liata ryureituhpa ta a tao.

BIESOZY 17:2

Sei sopa cha maophyuhna a tlôkheituhpa sawchapaw chô liata ryureih aw ta, Unawhpa pakha hawhta a zibeipa ryu a to hra aw.

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

BIECHHOTUHPA 4:14

Bei hrupa cha, bei châ awpa ta a pihpa châ hra sala, dyhchhiepa vaw châ thei ta, thyutlia sopa dyhchhiepa chhao, patâhna o tawhta beidyuchhai liata â kaw tyuh thei.

DÂNIAH 2:48

Chatanachata abei ta Dâniah cha thata palyupalih ta, hmosaipa rônahpa hluhpi pie ta, Babylaw râh zydua chô liata ryureituhpa nata Babylaw chyhsa sopazy chô liata hyutuh chaipa ta tao ta.

DÂNIAH 6:3

Dâniah cha palôh pha patluapa a phaohpa a châpa vâta, hyutuh laipa hropazy nata bia avaotuhpazy hlâta a lâluah via pachai ta. Chatanachata abei ta Dâniah cha khinarâh pôhpalôhpa chô liata so a chhuah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.