ÂTHAONA 41:40 - Mara Bible RV (BSI)

⁴⁰ Ei o liata hyutuhpa ta y aw chi ta, na bie hawhta ei chyhsa zydua ama y khai aw. Beidyuchhai kyh lia deita ta nâma hlâta kei ei bei via aw,” tah ta.

ÂTHAONA 41:40 ပူးပေါင်းရင်းမြစ်များ

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

ÂTHAONA 45:26

A hnohta, “Zawsi kha hroh thlâh ha ta, Izi râh zydua chô liata ryureituhpa a châ,” tahpa ta chho ei ta. Zakaw cha a pahlaw ta, ama biereipa cha zo leipa ta.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

ESTHERI 3:1

Cha hmozy hnôhlâ ta, Bei Ahasuarâ ta Akaki chyhsa Hâmedâthâ sawchapawpa Hâmâ cha a rai pakiasâhsa ta, a beimachâ hropa zydua hlâta dyuchhai a sâh viapa liata patyusa ta.

ZAWBÂ 31:27

Ei palôh arulâta reipasaopa ta ypa ta, Ei hmao ta ei ku a vaw pahnâ ha khiahta cha;

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

DÂNIAH 5:29

Chatawhcha Belsâza ta biepie ta, Dâniah cha poh saihlawpa pabupa châ ta, a rao liata ngôh pachhih paao ei ta, khinarâh liata ryureituhpa a sâh chaipa a pathôhna ta phuahpa a châ.

DÂNIAH 6:3

Dâniah cha palôh pha patluapa a phaohpa a châpa vâta, hyutuh laipa hropazy nata bia avaotuhpazy hlâta a lâluah via pachai ta. Chatanachata abei ta Dâniah cha khinarâh pôhpalôhpa chô liata so a chhuah ta.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.