ÂTHAONA 41:38 - Mara Bible RV (BSI)

³⁸ Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

ÂTHAONA 41:38 ပူးပေါင်းရင်းမြစ်များ

ÂTHAONA 41:37

Phiraoh nata a chakaotuhpazy ta Zawsi pahruana cha pha tah ei ta.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

ZAWBÂ 32:8

Châhrasala chyhsa liata thlahpa a ypa, Atotaotheipa hu ta, Ano cha pahnona a pahneisapa tlao a châ.

BIESOZY 14:35

So kawpa ta hmo a taopa chakaotuhpa cha, Abei ta khokhei ta; Nozana a tlôkheituhpa chakaotuhpa chô liata deikua cha, Abei pathiiana ta a tla thlu tyh.

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

ISAI 19:11

Zônâ beimachâzy cha ahrupazy châ ei ta, Phiraoh ryhraokheituhpa so chaipazy ta ryhraona hrupa ama pie. Kheihta ma Phiraoh hnohta, “Asopa saw châ na ta, Bei hlôpa sawchapawpa ei châ,” Nama tah thei tly?

DÂNIAH 4:18

He mâ he, kei, Bei Nebukaneza ta sa na ta, nâ, Hy Beltesâza y, a chhopasiana cha phuah teh. Ei beinarâh liata chyhsa sopa zydua ta a chhopasiana na chho thei veih ei. Nâ deikua cha na tao thei aw, khazoh pathaihpazy thlahpa nâma liata a ypa vâta,” tah na ta.

DÂNIAH 4:6

Chavâta ei mâsapa na chhopasia awpa ta, Babylaw râh liata chyhsa sopa zydua ei hmiakô liata a vaw chhi awpa ta biepie na ta.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 5:14

Khazohzy thlahpa cha nâma liata y ta, khaihna nata novâhna nata so patluana zy na hnei tahpa ei vaw thei.

DÂNIAH 6:3

Dâniah cha palôh pha patluapa a phaohpa a châpa vâta, hyutuh laipa hropazy nata bia avaotuhpazy hlâta a lâluah via pachai ta. Chatanachata abei ta Dâniah cha khinarâh pôhpalôhpa chô liata so a chhuah ta.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

MALUHREINA 27:18

Abeipa ta Mawsi hnohta, “Nunâ sawchapawpa Zawsua, thlahpa ta a ylâhpa chyhsa kha a chhi la, a chô liata na ku pahnieh mah y.