ÂTHAONA 41:25 - Mara Bible RV (BSI)

²⁵ Zawsi ta Phiraoh hnohta, “Phiraoh mâsapazy cha miakhapa a châ. Khazohpa ta a tao patoh awpazy Phiraoh a pahnosa.

ÂTHAONA 41:25 ပူးပေါင်းရင်းမြစ်များ

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

ÂTHAONA 41:26

Viahchao panô phapa pô sarizy kha kô sari châ ei ta, sâh suh phapa suh sarizy kha kô sari ama châ hra. Mâzy cha miakhapa ama châ.

ÂTHAONA 41:28

Cha cha na a châ, Phiraoh hnohta ei reipa hawhna khata, Khazohpa ta a tao patoh awpa Phiraoh a pahnosa.

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

HLAZY 98:2

Abeipa ta a pachhana pahnosa ha ta, Phopizy mohmô liata a siana a palâsa haw.

PUASAINA 9:14

Tahmâ liana heta la na chô liata nata châ chakaotuhpazy chô liata nata na phopi chô liata potlana ta ei hrie nawpa zydua ei vaw patlôsa bâ aw. Chatanachata khizaw zydua liata keima hawhpa he ahy hmah y veih ei tahpa na pahno aw.

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

DÂNIAH 2:45

Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

MATHAI 24:40

Lyu liata chyhsa pano y aw ei ta, pakha lapa châ aw ta, pakha siesaipa a châ aw.

MÂKA 13:23

Nâmo deikua cha, a vaih teh u, ato ei cha chhochhielie ha ei hih.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

ZAWSUA 11:6

Abeipa ta Zawsua hnohta, “Âmo kha chi khah y. Mylâ tahmâ ti heta âmo cha thie chiehpa ta Izarei ku liata ei pie aw ei. Ama arâ chazawzy chhawh aw chi ta, ama talailihzy mei ta na rao khai aw,” tah ta.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.