ÂTHAONA 41:14 - Mara Bible RV (BSI)

¹⁴ Phiraoh ta Zawsi cha paawsa ta, patâhna o tawhta thlai a vaw chhi ei ta. A hmaohmi nata a kâhhmizy a ngyu ta, a chysia â patly khai tawhta, Phiraoh lâ a ngia ta.

ÂTHAONA 41:14 ပူးပေါင်းရင်းမြစ်များ

2 SAMUELA 19:24

Sawla samohpa Mephibôse cha abei dy awpa ta zu ta. Abei a pua noh tawhta thlalôhpa ta â vaw lie heih noh taihta, a pheizy mohôh leipa ta, a hmaohmi chhao ngyu leipa ta, a chysiazy chhao pasu hra vei.

2 ABEIZY 25:29

Zehôkhi cha patâhna o chysiazy pahluh ta, a hro chhôh zydua ta abei tlâhkhai liata a dôh lymâ.

ESTHERI 5:1

A noh thôna noh ta, Estheri cha beinô chysia a tobi ta, abei o dôhpachhôh tlyhmia liata abei chhôhpadâhpa dady liata a kei duah ta. Abei cha abei o angiana dady liata beidyuchhai chhôhpadâhpa chhôh liata a beidyuchhai liata a tyuh ta.

PUASAINA 10:16

Chatawhcha Phiraoh ta Mawsi nata Arawna cha a chatliepa ta aw ta, ama hnohta, “Abeipa nama Khazohpa chô liata nata nâmo chô liata hmo ei parao haw.

BIECHHOTUHPA 4:14

Bei hrupa cha, bei châ awpa ta a pihpa châ hra sala, dyhchhiepa vaw châ thei ta, thyutlia sopa dyhchhiepa chhao, patâhna o tawhta beidyuchhai liata â kaw tyuh thei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

DÂNIAH 2:25

Ariôka ta Dâniah cha abei lâ thlai a chhi ta, a hnohta, “Abei mâsapa a chhopasia thei awpa chyhsa Zudâh râh tawhta sei ta â khypazy hry liata pakha ei hmô haw,” tah ta.