ÂTHAONA 40:8 - Mara Bible RV (BSI)

⁸ Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 40:8 ပူးပေါင်းရင်းမြစ်များ

ÂTHAONA 40:9

Chatanachata nyu hlâtuhpazy hyutuhpa ta, a mâ cha Zawsi chho ta, a hnohta, “Ei mâ lâta ei hmiakô liata kre zôh vaw y ta.

ÂTHAONA 41:25

Zawsi ta Phiraoh hnohta, “Phiraoh mâsapazy cha miakhapa a châ. Khazohpa ta a tao patoh awpazy Phiraoh a pahnosa.

ZAWBÂ 33:23

Chyhsapa hnohta a châta hmo dopa chho awpa ta, Ano chhâh a châhpa vâlyuhchâpa, Sâh kha liata pakha a tlypa lyuhchâpa y sala,

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 2:27

Dâniah ta a chhy ta, a hnohta, “Abei ta bienyupa a hiahripa he chyhsa sopazy, dyuthaipazy, moliethaipazy nata, pachaothaipazy ahy ta hmahta abei chho thei aw veih ei.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:3

Abei ta ama hnohta, “Mâ sa na ta, ei mâsapa cha pahno khohpa ta ei pachârôh ngaita ta,” tah ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 4:8

A chhâna lâta Dâniah, ei khazoh moh paphaopa ta a moh Beltesâza bipa, ano liata khazoh pathaihpazy thlahpa a ypa cha, ei hmiakô liata a vy ta, ei mâsapa cha chho na ta.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.