ÂTHAONA 40:6 - Mara Bible RV (BSI)

⁶ A mylâ my ta Zawsi cha âmo lâ a kei ngia ta, âmo cha moh ta, pachârôhpa ta ama ypa hmô ta.

ÂTHAONA 40:6 ပူးပေါင်းရင်းမြစ်များ

ÂTHAONA 40:5

Zâ kha cha, patâhna o liata patâhpa Izi bei nyu hlâtuhpa nata viahchhâ taotuhpa zy ta mâ sa chyu ei ta. Ama mâ chhopasiana deikua cha a lyu vei.

ÂTHAONA 40:7

Zawsi ta, “Khazia tanoh nama hmia dia a pachâ a rôh kaw?” tahpa ta a zibeipa o liata â tâlâhpa Phiraoh molaipazy cha hiahri ta.

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:8

My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

DÂNIAH 7:28

“Kha kha hmo chhâna cha a châ. Kei, Dâniah cha, ei pachâpazy chata thata na patypamâ ta, ei hmia hlâh khai ha ta, châhrasala cha hmo cha ei palôh liata a vao thlâh ha na ta.”

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.