ÂTHAONA 40:5 - Mara Bible RV (BSI)

⁵ Zâ kha cha, patâhna o liata patâhpa Izi bei nyu hlâtuhpa nata viahchhâ taotuhpa zy ta mâ sa chyu ei ta. Ama mâ chhopasiana deikua cha a lyu vei.

ÂTHAONA 40:5 ပူးပေါင်းရင်းမြစ်များ

ÂTHAONA 20:3

Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 40:1

Cha hmozy hnôhlâ ta, Izi bei nyu hlâtuhpa nata a viahchhâ taotuhpazy ta, ama bei, Izi bei cha a ru pachhô ei ta.

ÂTHAONA 40:4

Vaituhpazy hyutuhpa ta Zawsi cha âmo vaih awpa ta biepie ta, Zawsi ta âmo cha vaih ta. Noh khazie tlyma a tâh ei ta.

ÂTHAONA 40:6

A mylâ my ta Zawsi cha âmo lâ a kei ngia ta, âmo cha moh ta, pachârôhpa ta ama ypa hmô ta.

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:11

Kei nata ano cha, zâ zâ kha ta mâ sa khoh pi ta, eima mâ sapa deikua cha a chhopasiana a lyu leipa ta.

ESTHERI 6:1

Cha zâ liata abei cha a mô thei leipa ta. Hmo ngia tlâhpazy rona, thâtihzy rona châbu vaw cheih awpa ta biepie ta. Châbu cha abei hmiakô liata reih ei ta.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.