ÂTHAONA 4:8 - Mara Bible RV (BSI)

⁸ Kainâ ta a unawhpa Abela hnohta, “Lyu lâ sie ei sih y,” tah ta. Lyu liata ama y nota, Kainâ ta a unawhpa Abela cha thyuhnao ta, thie ha ta.

ÂTHAONA 4:8 ပူးပေါင်းရင်းမြစ်များ

ÂTHAONA 4:25

Âdâh ta a lapinô a zialâh heih ta, sawchapaw sa ta, a lapinô ta, “Kainâ ta a thie hapa Abela vyuhpa ta Khazohpa ta saw hropa eina pie haw,” tah ta, a moh Sethâ a bi.

2 SAMUELA 14:6

Na seichanô heta sawchapaw pano hnei na ta, lyu liata a tu ei ta, a pachhaih awpa y leipa ei ta, pakhapa ta a unawhpa cha tu ta a thie haw.

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 THÂTIHZYRONA 21:4

Zehôrâ cha a paw beidyuchhai liata a tyuh ta, â beina â i nahta, a unawh zydua cha zaozi ta thie ta, Izarei pawhrâhpa hluhpi chhao thie ta.

NEHEMIAH 6:2

Sanbâlâ nata Kese ta chyhsa vaw tuah ei ta, ei hnohta, “A vy la, Ônô bypi khih miakha liata a hmôpakhy suh vy,” tah ei ta. Châhrasala ei chô liata kupathla amâ chhuahpa dei châ tlôh ta.

ZAWBÂ 11:15

Noza leipa ta na hmia pachhua aw chi ta, Chi leipa ta â ipa ta nâ duah aw.

HLAZY 139:19

Hy Khazohpa, hmoparaopazy cha, Thie ha la ei tah kaw dia! Nâmo, thisaih palo a khohpa saih u, Na siesai teh u.

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

MIKÂ 7:6

Sawchapaw ta a paw saw ta rei leipa ta, Sawchanô ta a nô a dyuh ta, Myuhnô ta a nohnô tei ta, Chyhsapa chariahpazy cha, A o liata chyhsazy cheingei ama châ.

MALUHREINA 35:20

“Chyhsa ta ahaona vâta chyhsa chatitha sala tlyma, a byhkhâhpa ta khâpa tlyma ta vawh sala tlyma, cha chyhsa cha a thi khiahta tlyma,

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

LUKA 11:51

Maisâh nata supathaihpa likawh ta a thipa Abela thisaih tawhta Zekaria thisaih taihta, hrohsopazy thisaih maoh zydua ama phaoh aw. Hmeiseihta ta ei cha chho ei, he chhâ heta hrohsopazy thisaih maoh cha ama phaoh tlai aw.

LUKA 22:48

Châhrasala Zisu ta a hnohta, “Zudâh, Chyhsa Sawchapawpa he a pahnâpa ta ma na patusa aw?” tah ta.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.