ÂTHAONA 4:4 - Mara Bible RV (BSI)

⁴ Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

ÂTHAONA 4:4 ပူးပေါင်းရင်းမြစ်များ

ÂTHAONA 15:17

Noh tla ta a vaw zoh nahta, lômathu tawhta meikhuh nata meirei tawhta meipaleih ia ngâpa a vaw luah ta, sa patlawpazy likawh liata vaw sie pahlie ta.

ÂTHAONA 4:3

A noh hropa ta, Kainâ cha chhaohlei theilâpazy tawhta Abeipa lâta hmohlâpa cheih ta.

1 ABEIZY 18:24

Nâmo ta nama khazoh moh pado aw ei chi ta, kei chhao Abeipa moh ei pado aw. Chatanachata mei ta a vaw chhytuhpa Khazohpa cha, ano tlai cha Khazohpa cha a châ,” tah ta. Zawpi zydua ta a chhy ei ta, “Cha bie cha a pha na,” tah ei ta.

1 ABEIZY 18:38

Chatanachata Abeipa mei cha vaw tla ta, raopa hlâna nata thozy nata alôzy nata dohlei zy cha kâ patlô khai ha ta, khaohtlô liata ti chhao palie khai ha ta.

1 THÂTIHZYRONA 21:26

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Abeipa pado ta, Abeipa ta avâ tawhta mei ta a zâ chhy ta, raopa hlâna chô liata mei za tla ta.

2 THÂTIHZYRONA 7:1

Sawlawmaw ta thlah a chhâ khaipata nahta, avâ tawhta mei za tla ta, raopa hlâna nata atheihna sazy kâ khai ta, Abeipa rônahna ta Achhyna o cha bie ha ta.

HLAZY 20:3

Na hmohlâpazy a thei sala, Na raopa hlâna liata a ly mawh sy!

PUASAINA 13:12

chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MALUHREINA 16:35

Chatawhcha Abeipa tawhta mei vaw pua ta, ropahâhpa a hlâ haipa chyhsa 250 cha a kâsao khai ha ei.

MALUHREINA 18:12

Abeipa lâta ama hlâpa sathaw pha chaipa, kresawhti pha chaipa, sâh pha chaipa nata thei hmiatua chaipazy ei cha pie.

MALUHREINA 18:17

Viahchao a pataw tuapa, mietaku a pataw tuapa nata mie a pataw tuapazy deikua cha, pathaihpa ama châpa vâta na chatlai awpa châ vei. Ama thisaih maisâh liata thia aw chi ta, mei ta hmohlâpa châta ama thawzy mei ta na rao aw. Cha cha Abeipa châta ropahâhpa a châ aw.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 9:22

Hmeiseihta ta, ryhpa ry liata cha, ato zydua thisaih ta pathaisapa châ ta, thisaih palo leipa ta molei ngiahthaina rai y vei.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

RYUREITUHPAZY 6:21

Abeipa vâlyuhchâpa ta a chôchahrei chabapa pawhmao ta sa nata viahchhâ cha kei saoh ta, lôpanô tawhta mei vaw pua ta, sa nata viahchhâ thinô pahlao leipa cha a kâ khai haw. Chatawhcha Abeipa vâlyuhchâpa ta Kidia cha siesai ha ta.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.