ÂTHAONA 4:2 - Mara Bible RV (BSI)

² Cha khai tawhta a unawhpa Abela sa ta. Abela cha Mietaku vaituhpa châ ta, Kainâ deikua cha leipalietuhpa a châ.

ÂTHAONA 4:2 ပူးပေါင်းရင်းမြစ်များ

ÂTHAONA 3:23

Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw.

ÂTHAONA 37:13

Izarei ta Zawsi hnohta, “Na unawhzy Sekhe liata sahroh zaw lao ama pabâsa hai no châ vei ma? A vy teh, âmo lâ ei cha tuah aw,” tah ta. Zawsi ta a hnohta, “He liata ei y,” tah ta.

ÂTHAONA 4:1

Âdâh ta a lapinô Evâ a zialâh ta, Evâ cha saw phaoh ta, Kainâ sa ta, “Abeipa baona ta chapaw ei sa haw,” tah ta.

ÂTHAONA 4:3

A noh hropa ta, Kainâ cha chhaohlei theilâpazy tawhta Abeipa lâta hmohlâpa cheih ta.

ÂTHAONA 47:3

Phiraoh ta Zawsi unawhzy hnohta, “Khâpa rai nama hria tyh?” tah ta. Âmo ta Phiraoh hnohta, “Châ chakaotuhpazy he miah pathlatuhpazy hawhta mietaku vaituhpazy eima châ,” tah ei ta.

ÂTHAONA 9:20

Nôah cha lyu taotuhpa châ ta, kre sadô tao ta.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

AMÔSÂ 7:15

Châhrasala Abeipa ta mietaku zaw vaina tawhta na la ta, Abeipa ta ei hnohta, ‘Sie la, ei phopi Izarei hnohta bie kei phuah teh,’ eina tah.

LUKA 11:50

Chavâta leilô y tua no tawhta hrohsopazy thisaih maoh cha, he chhâ heta ama phaoh aw.

LUKA 11:51

Maisâh nata supathaihpa likawh ta a thipa Abela thisaih tawhta Zekaria thisaih taihta, hrohsopazy thisaih maoh zydua ama phaoh aw. Hmeiseihta ta ei cha chho ei, he chhâ heta hrohsopazy thisaih maoh cha ama phaoh tlai aw.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.