ÂTHAONA 4:15 - Mara Bible RV (BSI)

¹⁵ Abeipa ta a hnohta, “Châ bao va! Ahy rai Kainâ a thiepa cha a lie sari ta a chô liata phuh lapa a châ aw,” tah ta. Chatanachata a hmôpazy ta ama thie lei nawpa ta, Abeipa ta Kainâ chô liata ngiana tao ta.

ÂTHAONA 4:15 ပူးပေါင်းရင်းမြစ်များ

ÂTHAONA 4:24

Kainâ phuh a lie sari ta lapa a châ khiahta cha, Lâmeka phuh cha a lie sysari nata ei sari ta lapa a châ aw,” tah ta.

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

HLAZY 59:11

Âmo cha thie hlei khah y, Chataleipatala ei phopi ta a my pathlei aw na; Hy Abeipa, eima vyhphao, Na hmotaotheina ta âmo cha paviavisa la, Panawh hri mah y!

HLAZY 79:12

Hy Abeipa, eima chheipâh râhzy ta ama cha pasipasawhnazy kha, A lie sari ta ama chô liata viari thô mah y!

BIESOZY 6:31

Patupa a châ khiahta deikua cha, A lie sari ta a thô awpa châ ta, A hneipa zydua a pie khai awpa a châ.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

EZEKIA 9:6

Machâpazy, satliazy, laihsazy, hawtizy nata nôzy thie khai u la, ngiana a hneipazy deikua cha a hnia khuh vy. Ei supathaihpa tawhta a thao muh vy,” tah ta. Chatanachata Achhyna o hmia liata a ypa machâzy tawhta pathao ei ta.

HÔSIA 1:4

Abeipa ta Hôsia hnohta, “A moh ta Zezari bi teh, Zezari liata thisaih ama palona vâta Zehu chhôhkha cha thlai hrie aw ei na ta, Izarei râh liata abei ryureina cha ei pachhâsa ha awpa vâta.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

MATHAI 26:52

Zisu ta a hnohta, “Na zaozi kha a paih liata khô teh. Zaozi a hmâhpa maih zaozi ta ama leidia aw.

BIEPHUAH 14:11

Cha chyhsazy pasataona meikhuh cha chhâzaw nata tlyzaw ta pua aw ta, sahrâhpa nata a nothlahpa achhytuhpazy nata a moh ngiana a hneipa maihzy cha, chhô nah zâ ta apahâna rai hnei aw veih ei,” tah ta.

BIEPHUAH 14:9

Vâlyuhchâpa hropa, pathôhna ta âmo cha vaw pazi ta, ao paro ngaitapa ta, “Ahy rai sahrâhpa nata a nothlahpa a chhypa ta, a khi liata tlyma, a ku liata tlyma, ngiana a hnei khiahta cha,