ÂTHAONA 4:14 - Mara Bible RV (BSI)

¹⁴ Moh teh, tanoh he chhaohlei tawhta na papua ha chi ta, na mohmô tawhta nyupa ta y aw na ta, alei chô liana heta leilôpa nata viavipa châ aw na ta, nâ hmôpa maihta eina thie aw ei,” tah ta.

ÂTHAONA 4:14 ပူးပေါင်းရင်းမြစ်များ

ÂTHAONA 3:24

Chyhsapa a papua khai tawhta, hrona tho lâpi vaih awpa ta, cherubizy nata meipaleih zaozi a pahieh ngâpa cha, Idâh sadô nochhi lâta soh ha ta.

ÂTHAONA 4:13

Kainâ ta Abeipa hnohta, “Eina hriena chi he ei tao thei awpa hlâta â hri via.

2 SAMUELA 14:7

Ama pho zydua ta a baopasupa ta na seichanô he na thyuhnao ei ta, ei hnohta, ‘A unawhpa a thietuhpa kha miah pie teh, a unawhpa thie ta a hrona a lapa vâta, ano chhao eima thie aw. A ryutotuhpa chhao eima pahleipadia aw,’ tah ei ta. Cha hawhna chata ei mei a ia chhôhpa cha pachhai aw ei ta, ei vahpa cha moh hnei leipa nata alei chô liana heta pathla rai hnei leipa ta a y aw,” tah ta.

HLAZY 109:10

A sawzy viavipa ta kudao ei sala, Ama pahrâna khih rypa tawhta lâhlapi lâta nie awpa tlua mawh ei sy!

HLAZY 109:12

A chô liata phana a palâsa awpa y khao leipa ei sala, A saw hârapazy a ngiachhie awpa y khah ei sy!

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 52:3

Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

MALUHREINA 35:19

Thisaih phuh latuhpa ta lianycheihtuhpa cha a thie awpa châ ta, a hmô tita a thie aw.

MALUHREINA 35:21

cha leipa chhao ta, ahaona vâta a ku ta a chôpa ta, cha chyhsa cha a thi khiahta tlyma, kupathlatuhpa cha thie thlyu awpa a châ. Liany a cheihpa châ ta, thisaih phuh latuhpa ta a hmô tita a thie aw.

MALUHREINA 35:27

thisaih phuh latuhpa ta ano cha abohna khihpi râhri khô lâta hmô sala, thisaih phuh latuhpa ta lianycheihtuhpa cha a thie khiahta deikua cha, thisaih phuh latuhpa chô liata thisaih maoh y aw vei.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 28:65

Cha phopizy hry liata huhnona rai hnei leipa aw ei chi ta, nama pheipazah châta a pahâna rai y aw vei. Cha liata Abeipa ta palôh achalyuna, mo bâna nata thlahpa thazeina zy a cha pie aw ei.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.