ÂTHAONA 4:12 - Mara Bible RV (BSI)

¹² Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

ÂTHAONA 4:12 ပူးပေါင်းရင်းမြစ်များ

ÂTHAONA 4:13

Kainâ ta Abeipa hnohta, “Eina hriena chi he ei tao thei awpa hlâta â hri via.

ÂTHAONA 4:14

Moh teh, tanoh he chhaohlei tawhta na papua ha chi ta, na mohmô tawhta nyupa ta y aw na ta, alei chô liana heta leilôpa nata viavipa châ aw na ta, nâ hmôpa maihta eina thie aw ei,” tah ta.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

HLAZY 109:10

A sawzy viavipa ta kudao ei sala, Ama pahrâna khih rypa tawhta lâhlapi lâta nie awpa tlua mawh ei sy!

BIESOZY 28:17

Chyhsa thisaih maoh a phaohpa cha, Khaoh­tlô lâ a râ aw ta, Ahy ta hmah bao khah sy.

HÔSIA 9:17

A rei amâ ngia leipa vâta, Ei Khazohpa ta dytha aw ei ta, Phopizy hry liata viavipa ta ama y aw.

ZÔELA 1:10

Lyuzy rao khai ta, Sâhzy a rao khai haw; Kresawhti kua ta, Sathaw a hi haw; Chavâta chhaohlei cha mâchhiesapa ta a y.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

RAWMA 8:20

Hmotaopazy cha hraoleipa ta y awpa ta raopa châ ha ta, âmo khopa vâta châ leipa ta, a paysatuhpa vâta tlao a châ. Châhrasala hnabeiseihna a y.

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.