ÂTHAONA 4:10 - Mara Bible RV (BSI)

¹⁰ Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

ÂTHAONA 4:10 ပူးပေါင်းရင်းမြစ်များ

ÂTHAONA 18:20

Abeipa ta, “Sawdawmâ nata Kawmawrâ thâtih ama reipa hluh ta, ama moleina a rarôh y ngaita.

ÂTHAONA 3:13

Zehôvâh Khazohpa ta chanô hnohta, “Khazia he hmo he na tao?” tah ta. Chanô ta, “Parih ta na dôvei ta, ei nie haw,” tah ta.

ÂTHAONA 9:5

Nama hrona thisaih phuh ei cha lapa aw ei. Chyhsapa thisaih a palopa sa chô liata thisaih phuh la aw na ta, a unawhpa thisaih a palopa chyhsa chô liata thisaih phuh ei la aw.

2 ABEIZY 9:26

Abeipa ta, ‘Zâhnia Nâbô thisaih nata a sawchapaw­zy thisaih ei hmô. He su liana tlai heta viari ei cha thô aw,’ a vaw tah hapa a châ. Chavâta tahmâ Abeipa bie hawhta, chalo la, he lei su liana tlai heta thy teh,” tah ta.

2 THÂTIHZYRONA 28:9

Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

ZAWBÂ 16:18

“Hy leilô y, ei thisaih khu leipa la, Ei chana ta apahâna su hmô khah sy.

ZAWBÂ 24:12

Thi daihmâpazy ahrôna ao khihpi tawhta pua ta, Hmaphaohpa thlahpa cha baona vâpa ta â rôh. Châhrasala Khazohpa ta ahy hmah thailei pachâ vei.

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 72:14

Tlybaina nata thachahra hmâna tawhta ama hrona chatlai ta, A mohmô liata ama thisaih a sôh ngaita.

HLAZY 9:12

Ano cha thisaih phuh a lapa châ ta, Âmo a thei thlâh ha ta; Pasataopazy awna ao my beih vei.

HLAZY 9:13

Hy Abeipa, na ngiachhie la, Thina chhikao tawhta nâ chalotuhpa y, Nâ haotuhpazy vâta pasa ei taona he hmô mah y.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

MALUHREINA 35:33

Nama pahrâna râh nama papuapalei awpa châ vei. Thisaih ta râh papuapalei ta, thisaih palotuhpa thisaih dei leipa ta cha, khâpa chatlaina ta hmah râh chô liata thisaih palo thlupa cha pathaisa thei vei.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 5:9

Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

RYHPACHANEINA 21:1

“Abeipa nama Khazohpa ta hnei awpa ta râh a cha piepa ei liata, chyhsa ama thiepa ri lyurâhpa liata a zawh thlâh ha sala, a thietuhpa pahnopa a châ leipa khiahta cha,

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.

1 SAMUELA 13:11

Samuela ta, “Khâpa hmo ma na tao haw?” tah ta. Sawla ta, “Izarei phopi ta na paisai lymâ ei ta, nâma hra ta noh raopa noh liata vaw tlô khao leipa chi ta. Mikamâ liata Philistinâ mo cha amâ hmaohpakhy haw tahpa thei tlôh na ta.