ÂTHAONA 4:1 - Mara Bible RV (BSI)

¹ Âdâh ta a lapinô Evâ a zialâh ta, Evâ cha saw phaoh ta, Kainâ sa ta, “Abeipa baona ta chapaw ei sa haw,” tah ta.

ÂTHAONA 4:1 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 3:24

Chyhsapa a papua khai tawhta, hrona tho lâpi vaih awpa ta, cherubizy nata meipaleih zaozi a pahieh ngâpa cha, Idâh sadô nochhi lâta soh ha ta.

ÂTHAONA 4:2

Cha khai tawhta a unawhpa Abela sa ta. Abela cha Mietaku vaituhpa châ ta, Kainâ deikua cha leipalietuhpa a châ.

ÂTHAONA 4:25

Âdâh ta a lapinô a zialâh heih ta, sawchapaw sa ta, a lapinô ta, “Kainâ ta a thie hapa Abela vyuhpa ta Khazohpa ta saw hropa eina pie haw,” tah ta, a moh Sethâ a bi.

ÂTHAONA 5:29

“Abeipa ta chhie a sa hapa chhaohlei liata eima hriapasana nata rietheinazy tawhta phao miah pahua awpa,” tah ta a moh Nôah a bi.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

MALUHREINA 31:17

Chavâta tahmâ he chapaw hawti zydua kha thie khai u la, chapaw a ziakhei ta, a pahnopathei hapa chanô zydua chhao thie khai teh u.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.