ÂTHAONA 39:14 - Mara Bible RV (BSI)

¹⁴ Pawtipha lapinô ta a o raihriatuhpazy aw ta, ama hnohta, “Moh teh u, eima noh miah pazao awpa ta Hebrai chyhsa miah â vaw chhipa hih. Nâ ziakhei a chhuahpa ta kei lâ a vaw ngia ta, châhrasala ao paro ngaitapa ta awh na ta,

ÂTHAONA 39:14 ပူးပေါင်းရင်းမြစ်များ

ÂTHAONA 10:21

Zaphethâ uhtapa Semâ ta sawchapawzy sa ta, Semâ cha Ebe mo zydua pathlatuhpa a châ.

ÂTHAONA 14:13

Chyhsa â râpa pakha a vy ta, Mamre thothih liata a pahrâpa Hebrai chyhsa Abarâ hnohta cha thâtih cha chho ta. Mamre cha Amawri chyhsa châ ta, Eskaw nata Ane unawhpa a châ. Âmo cha Abarâ nata a pazaopa ama châ.

ÂTHAONA 39:13

A chysia cha a ku liata siesaipa ta, khôtho lâ â râ hapa a pahno nahta,

ÂTHAONA 39:15

ao paropa ta ei awhpa a theipa nahta, ei kiapâh liata a viahkao pasipa he siesai ta, a râ ta, khôtho lâ a pua haw,” tah ta.

ÂTHAONA 39:17

Pawtipha hnohta a rei hmopa pyly reih heih ta, “Hebrai sei eima o lâ nâ vaw chhipa khata, ei noh na pazao awpa ta kei lâ a vaw ngia ta,

ÂTHAONA 39:7

A zibeipa lapinô ta Zawsi cha a mo tawpâ thlâh ha tyh ta, “Nâ ziakhei teh,” tah ta.

ÂTHAONA 40:15

Hebrai mo râh tawhta parupa ta a chhipa châ na ta, he râh liana chhao he patâhna o chhôh lia taihta khô awpa ta khâpa hmah parao va na,” tah ta.

HLAZY 120:3

Nâ, paleih dôthaipa, Abeipa ta khâpa cha pie aw ta, Khâpa a cha taopa via aw?

HLAZY 35:11

Pahnokheituhpa pakheipazy thyu ei ta, Ei pahno beih leipa hmozy eina hiahri ei.

HLAZY 55:3

Chariahpa pyu thei na ta, Moleipa ta eina moaipa vâta. Chhiena na thy thlu ei ta, Hiehâhpa ta eina taochhie ei.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

EZEKIA 22:5

Lâhnia lâhla ta a ypazy ta cha pahneisao aw ei ta, na moh papuapaleipa châ aw ta, tymâna ta na bie aw.

MATHAI 26:59

Zisu ama thie thei nawpa ta, theihthai beizy nata ryureituhpa zydua ta haipa ta ano leih nawpa tlua ei ta.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

1 PITY 2:20

Tuna pasataona namâ tyh tita, tiama kawpa ta dao thei hra u la, moleina hmo nama taopa vâta namâ tyhpa a châ khiahta cha, khâpa phahnaina a hnei? Hmo pha taopa vâta pasa tao ei chi ta, tiama kawpa ta nama dao thei khiahta deikua cha, cha cha Khazohpa hmiakô liata palyupalihna a to tlâh a châ.