ÂTHAONA 38:9 - Mara Bible RV (BSI)

⁹ Châhrasala Ônâ ta chi a pathla awpa cha ano pathla châ aw vei tahpa a pahnopa vâta, a unawhpa lapinô â zialâhna maihta, a unawhpa châta chi a pathla lei nawpa ta, a baoti cha alei liata a patlasa ha tyh.

ÂTHAONA 38:9 ပူးပေါင်းရင်းမြစ်များ

ÂTHAONA 38:10

A hmotaopa cha Abeipa mohmô liata molei ngaitapa châ ta, Abeipa ta ano chhao cha a thie ha hra.

ZAWBÂ 5:2

Ruchhôna ta ahrupa thie ta, Hiatliana ta angâpa a patlaopâ tyh.

BIESOZY 27:4

Hiehâhna cha a nôchhie ta, pathiiana chhao â tlao, Châhrasala ahy ma hiatliana hmiakô liata a duah thei aw?

RYHPACHANEINA 25:5

“Unawhzy o kha liata pahrâ khoh ei sala, ama hry liata pakha sawchapaw hnei leipa ta a thi khiahta cha, athipa lapinô cha chhôhkha khôtho lâ dyh a châ awpa châ vei. A vahpa unawhpa ta ano lâ a ngia aw ta, lapinô ta hnei aw ta, vahpa unawhpa tao awpa a chô liata a tao aw.

RYHPACHANEINA 25:6

Izarei hry liata a unawhpa moh a lei lei nawpa ta, a unawhpa lapinô a hneipa ta sawchapaw a sa tua chaipa cha, a unawhpa athipa moh a phaoh awpa a châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

ZÂMIE 3:16

Hiatliana nata khohlei khona a yna lia maihta, tymâna nata paraona pasichhihpa to a y tyh.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

RUTHI 1:11

Naomi ta, “Ei sawchanôzy saih u, kua ha muh vy. Khazia ei hnohta nama sie hra aw? Nama vahpa awpa sawchapawzy ei chhi liata ei hnei thei khao aw ma?

RUTHI 4:10

Cha dei châ vei, athipa cha a ryuto râh liata a moh a lei lei nawpa nata athipa moh cha a unawhzy tawhta nata a liahritlona khih thokhy chhikao tawhta chhawh pathlahpa ta a y lei nawpa ta, Mâhlô ta a panôhmeipa Môabâ zuah Ruthi chhao ei lapinô châta ei chalei haw. Tanoh nâmo he pahnokheituhpazy nama châ,” tah ta.