ÂTHAONA 38:5 - Mara Bible RV (BSI)

⁵ Sawchapaw sa heih ta, a nô ta a moh Selâh bi ta. Selâh a sa no he Zudâh cha Chezibâ khih liata a y no a châ.

ÂTHAONA 38:5 ပူးပေါင်းရင်းမြစ်များ

ÂTHAONA 38:11

Zudâh ta a myuhnô Tâmâri hnohta, “Ei sawchapawpa Selâh a pitloh hlâlei cha, na paw o liata nôhmei ta y chy mah y,” tah ta. Selâh chhao a unawh hropazy hawhta a thi pathlei hra aw tahpa a chipa vâta a châ. Chatanachata Tâmâri cha a paw o lâ a di ha ta.

ÂTHAONA 38:26

Zudâh ta cha hmozy cha a hmiasiah ta, “Ano cha kei hlâta a sia via, ei sawchapawpa Selâh ei pahneisa leipa vâta a châ,” tah ta. Cha khai tawhta, Zudâh ta Tâmâri cha a zialâh khao vei.

ÂTHAONA 38:6

Zudâh ta a sawchapaw uhtheipa Erâ châta lapinô hiapa ta, a lapinô moh cha Tâmâri a châ.

ÂTHAONA 46:12

Zudâh sawchapawzy cha Erâ, Ônâ, Selah, Pereza nata Zerâ zy ama châ. Erâ nata Ônâ deikua cha Kâna râh liata ama thi haw. Pereza sawchapawzy cha Hezrô nata Hâmu ama châ.

1 THÂTIHZYRONA 2:3

Hezy he Zudâh pathlazy ama châ: Zudâh ta Kâna zuah Bâsua chô liata sawchapaw pathôh, Erâ, Ônâ nata Selâh zy sa ta. Zudâh sawchapaw uhtheipa Erâ cha Abeipa mohmô liata moleipa châ ta, Abeipa ta a thie haw.

1 THÂTIHZYRONA 4:21

Zudâh sawchapawpa Selâh sawchapawzy cha Lekâ paw Erâ, Mâresâ paw Lâdâh nata Bethabia liata poh rih dipa taotuhpazy ama châ.

MALUHREINA 26:19

Zudâh pathlazy cha Erâ nata Ônâ châ ei ta. Erâ nata Ônâ cha Kâna râh liata thi ha ei ta.

MALUHREINA 26:20

A pho pho ta reipa ta, Zudâh pathlazy cha, Selâh tawhta Selâh phozy; Phare tawhta Phare phozy nata Zerâ tawhta Zerâ phozy ama châ.