ÂTHAONA 37:9 - Mara Bible RV (BSI)

⁹ Cha khai tawhta mâ hropa sa heih ta, a unawhzy chho ta, “Pachâ tua u, mâ sa heih na ta, noh, thlâpâ nata awhsi miahrawh hleikhazy ta a bôhpa ta einâ naoh ei,” tah ta.

ÂTHAONA 37:9 ပူးပေါင်းရင်းမြစ်များ

ÂTHAONA 20:3

Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 37:10

A mâsapa cha a paw nata a unawhzy a chho nahta, a paw ta ano cha ra ta, a hnohta, “Na mâsapa cha khâpa mâ ma a châ tly? Kei nata na nô nata na unawhzy heta a bôhpa ta eimâ châ naoh tlai aw mâ?” tah ta.

ÂTHAONA 37:7

Lyu liata sapiahzy chahry pi ta, keima sapiah tlai cha kaw thyu ta, a kaw duah ta, nâmo sapiahzy ta vaw chadô ei ta, a bôh ei ta, keima sapiah cha amâ naoh ngâ kaw,” tah ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

ÂTHAONA 41:25

Zawsi ta Phiraoh hnohta, “Phiraoh mâsapazy cha miakhapa a châ. Khazohpa ta a tao patoh awpazy Phiraoh a pahnosa.

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

ÂTHAONA 43:26

Zawsi â vaw di nahta, ama kuhriazy o chhôh lâ cheipa ei ta, alei lâ a bôhpa ta ano cha a naoh ei ta.

ÂTHAONA 43:28

Âmo ta, “Châ chakaotuhpa eima paw cha a tlâh no a châ, a hroh thlâh chy,” tah ei ta. Ama luh a bôhpa ta, ano cha a naoh ei ta.

ÂTHAONA 44:14

Zudâh nata a unawhzy cha Zawsi o kei tlô ei ta, ano cha o liata vaw y thlâh ha ta, a hmiakô liata alei liata a byu ei ta.

ÂTHAONA 44:19

Ei zibeipa ta châ chakaotuhpazy he, ‘Paw nama hnei ma, unawh nama hnei ma?’ tahpa ta miah hiahri chi ta.

ÂTHAONA 45:9

Chavâta tahmâ a chatliepa ta ei paw lâ khy u la, a hnohta, ‘Na sawchapawpa Zawsi ta hetana heta a tah: Khazohpa ta Izi râh zydua chô liata ryureituhpa ta na tao ta, kei lâ a zu la, za hawh khah y.

ÂTHAONA 46:29

Zawsi cha a talailih a chhuanoh ta, a paw a hmô awpa ta Kôse lâ khy ta. A hnohta a pahnosa ta, a pyhpahly ta, vâropi tlai cha thlu ta.

ÂTHAONA 47:12

Zawsi ta a paw nata a unawhzy nata a paw chhôhkha zydua cha, ama chhôhkha maluh hawhta nie awpa a pie lymâ ei.

DÂNIAH 8:10

Avâ liata a ypazy tlôna taihta seih ta, avâ liata a ypa thokha nata awhsi thokhazy cha alei lâ za thy ta, âmo cha tlypâ ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.