ÂTHAONA 37:8 - Mara Bible RV (BSI)

⁸ A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

ÂTHAONA 37:8 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 37:9

Cha khai tawhta mâ hropa sa heih ta, a unawhzy chho ta, “Pachâ tua u, mâ sa heih na ta, noh, thlâpâ nata awhsi miahrawh hleikhazy ta a bôhpa ta einâ naoh ei,” tah ta.

ÂTHAONA 42:10

Âmo ta a hnohta, “Châ vei, ei zibeipa, châ chakaotuhpazy he sâh chalei awpa ta a vypa eima châ.

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

ÂTHAONA 49:26

Na paw byhnâzy cha nâ pathlatuhpazy byhnâ khô ta, Chhâzaw tlâhthlôhzy chhâna taihta a tlô. Chazy cha Zawsi luh liata y aw ta, A unawhzy tawhta pananopa khi liata a y aw.

ÂTHAONA 50:18

A unawhzy cha vawh ei ta, a hmiakô liata a bôh ei ta, “Moh teh, châ chakaotuhpazy eima châ,” tah ei ta.

HLAZY 118:22

O satuhpazy alô kho leipa kha, Abôna lô a vaw châ haw.

PUASAINA 2:14

Ano ta, “Eima chô liata ryureituhpa nata hyutuhpa ta ahy ma châ tao? Izi chyhsa na thiepa hawhna khata ma thie einâ chhuah chi?” tah ta. Mawsi cha a palôh liata, “Kha hmo kha chyhsa ta ama pahno ha tlai cha zaw,” tahpa ta pachâ ta, chi ngaita ta.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

LUKA 20:17

Zisu ta âmo cha moh ta, “Cha khiahta cha, he bie ropa he khâpa ma a châ tly? “‘O satuhpazy alô kho leipa cha, A ki lô a vaw châ haw,’ tahpa hih,” tah ta.

HMOTAOPAZY 7:35

“Kha Mawsi, ‘Hyutuhpa nata ryureituhpa ta ahy ma châ tao?’ tahpa ta ama dythapa kha, thobuh liata a hnohta a luahpa vâlyuhchâpa ku hmâpa ta, Khazohpa ta hyutuhpa nata pachhatuhpa châta vaw tuah ta.

RYHPACHANEINA 33:16

Alei hneirôna byhnâzy â kipa ta to sala, Chhobuh liata a pahrâpa khokheina to mawh sy. Cha byhnâzy cha Zawsi luh chô liata y sala, A unawhzy hry liata luh chaipa laki liata y mawh sy.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.

1 SAMUELA 18:8

Sawla cha a hiehâh ngaita ta, cha hla biezy chata palysa lei kaw ta. “Dâvi cha a thy patosa ei ta, kei cha a sâh deita eina patosa ei, khinarâh tah leipa ta cha, a to awpa hropa khâpa a y khao,” tah ta.