ÂTHAONA 37:4 - Mara Bible RV (BSI)

⁴ Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 37:4 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 37:11

A unawhzy ta a chô liata ama hiatlia kaw ta, a paw deikua ta, cha hmozy cha a palôh liata a vao thlâh ha ta.

ÂTHAONA 37:5

Zâ kha cha Zawsi ta mâ sa ta, cha cha a unawhzy a chho nahta, ano cha a hao via rili ei ta.

ÂTHAONA 4:5

Kainâ nata a hmohlâpa liata deikua cha a ly leipa ta. Chavâta Kainâ cha a pathi ia ngaita ta, a hmia chhie kaw ta.

ÂTHAONA 49:23

Libaw kathaipazy ta thata a dyuh ei ta, Ano cha ka ei ta thata amâ hao.

HLAZY 38:19

Ei khakhaipazy cha thatlôpa nata pasaiphazy châ ei ta, Âdoleipa ta nâ haotuhpazy ama hluh kaw.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

MÂKA 3:25

Chhôhkha nata chhôhkha a dyuh ei sala, cha chhôhkha cha a duah thei aw vei.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 ZAWHÂNA 2:11

A unawhpa, a haotuhpa deikua cha zohna liata y ta, zohna liata a charei. Zohna ta a mo a pachaosapa vâta khataih lâ ma a sie tahpa chhao pahno vei.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.