ÂTHAONA 37:36 - Mara Bible RV (BSI)

³⁶ Cha nota, Midia mo ta Zawsi cha Izi râh lâ a ngiakhei ei ta, Phiraoh ry liata molaipa pakha, vaituhpa py hyutuhpa Pawtipha hnohta zuah ei ta.

ÂTHAONA 37:36 ပူးပေါင်းရင်းမြစ်များ

ÂTHAONA 37:28

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

ÂTHAONA 40:3

Zawsi patâhna su, vaituhpazy hyutuhpa o liata patâhna o liata âmo cha patâh ta.

ÂTHAONA 40:4

Vaituhpazy hyutuhpa ta Zawsi cha âmo vaih awpa ta biepie ta, Zawsi ta âmo cha vaih ta. Noh khazie tlyma a tâh ei ta.

ÂTHAONA 41:12

Hebrai satlia pakha eima hnohta cha liata a tâh hra ta. Ano cha vaituhpazy hyutuhpa sei a châ. Eima mâzy cha ano chho pi ta, eima mâ yzie chyu hawhta miah chhopasia ta.

2 ABEIZY 25:8

Babylaw bei Nebukaneza abeina kô hrawh hleichakina, cha kô thla pangawhna, noh sarina noh ta, Babylaw bei chakaotuhpa, abei vaituhpazy hyutuhpa Nebuzarâdâ cha Zerusale lâ a vy ta.

ESTHERI 1:10

A noh sarina noh ta, abei cha kresawhti vâta a palôh thathyu kaw ta, chatanachata bei chakaotuhpa pasarizy, Mehumâ, Bizathâ, Hôbônâ, Bithâh, Abathâ, Zethâ nata Kâkâ zy cha,

HLAZY 105:17

Ama hmia lâta chyhsa pakha pasiesa ta, Cha cha sei ta zuapa Zawsi kha a châ.

ISAI 56:3

Abeipa a pazaopa chihropa ta, “Abeipa ta a phopi nata eina panano thlyu aw,” Tah leipa sala; Hrilyupa ta, “Moh teh u, tho raohpa ei châ hih,” Tah khah sy.

ZEREMIAH 39:9

Pheisaih hyutuhpa Nebuzarâdâ ta khihpi liata chyhsa a nguapazy, ano lâ a râpazy nata chyhsa hropa zydua cha Babylaw lâ sei ta â chhi khai ha ei.

DÂNIAH 2:14

Dâniah ta Babylaw chyhsa sopazy thie awpa ta a puapa, bei vaituhpazy hyutuhpa Ariôka cha so ngaitapa nata ryhpaohna pahno ngaitapa ta bie a chho ta.