ÂTHAONA 37:34 - Mara Bible RV (BSI)

³⁴ Zakaw cha a chysiazy hrie ta, latho poh a sai ta, noh hluhpi a sawchapawpa mâchhie sa ta.

ÂTHAONA 37:34 ပူးပေါင်းရင်းမြစ်များ

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

ÂTHAONA 42:38

Châhrasala Zakaw ta, “Ei sawchapawpa he nama hnohta a zu aw vei, a unawhpa thi ha ta, ano deita he hroh ta, nama siena lâpi liata hmo pha leipa a zâ tyh pathlei khiahta cha, ei luh pawhpa he pachârôhpa ta Athihkhih lâ nama pasiesa aw,” tah ta.

ÂTHAONA 44:13

Chapata nahta, ama chysiazy hrie ei ta, ama alâ chyu liata ama hmozy khaih ei ta, khihpi lâ a lie ei ta.

2 SAMUELA 1:11

Dâvi cha a chysiazy hrie ta, a hnohta a ypa chyhsa zydua chhao ta ano taopa hawhta tao chyu hra ei ta.

2 SAMUELA 3:31

Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.

1 ABEIZY 20:31

A chakaotuhpazy ta a hnohta, “Tahmâ pachâ teh, Izarei pathla beizy cha chyhsa a ngiachhie thei ngaitapa bei ama châ tahpa eima thei. Latho poh a saipa ta, eima luh chaori ta buhpa ta Izarei bei lâ pua ei suh u. Na hrona a cha pahlôh thlâh ha ngyu aw,” tah ei ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

2 ABEIZY 19:1

Bei Hezekia ta cha bie cha a thei nahta, a chysiazy hrie ta, latho poh a bupa ta Abeipa o chhôh lâ a ngia ta.

2 ABEIZY 2:12

Cha cha Elaisâh ta hmô ta, “Ei pâ, Hy ei pâ, Izarei talailihzy nata ama arâ pheisaihzy ta a ypa y,” tah ta. Cha khai tawhta cha, Elaisâh ta Elaizâh cha hmô khao vei. Chatawhcha Elaisâh cha a chysiazy la ta, hlai no ta hrie ta.

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

1 THÂTIHZYRONA 21:16

Dâvi cha mohmia pasaih ta, alei nata avâ likawh liata â duah thlâh hapa Abeipa vâlyuhchâpa hmô ta. A ku liata zaozi â chabapa cha Zerusale chô liata pazawh ta. Dâvi nata machâzy cha latho poh a bupa ta alei liata â khu lâta pao ei ta.

1 THÂTIHZYRONA 7:22

Ama paw Epharai cha noh hluhpi mâchhiesa ta, a unawhzy ano lâ sie ei ta, a thlah ama kei palôh.

NEHEMIAH 9:1

Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

ZAWBÂ 16:15

Ei vo chô liata latho poh bieh na ta, Dohlei liata ei tha ei soh.

ZAWBÂ 2:12

Lâhla tawhta vaw hmô ei ta, a hmia chhao siah khao leipa ei ta. Aoh tlili ta cha ei ta, ama chysiazy hrie ei ta, avâ lâ buchâh pathluahpa ta ama luh chô liata hie ei ta.

HLAZY 69:11

Ei chysia châta latho poh ei hmâ nahta, Ama reih khoh kawpa tlao ei châ ha tyh.

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ISAI 36:22

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 26:65

Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

HMOTAOPAZY 14:14

Cha thâtih cha lyuhchâpa Bânabâ nata Pawla ta ama thei nahta, ama chysiazy hrie ei ta, zawpi lâ a râpa ta, awh ei ta,

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

RYUREITUHPAZY 11:35

A sawchanô a hmôpa nahta, Zephathâ cha a chysiazy hrie ta, a hnohta, “A pei rimâ cha, ei sawchanô! Ei palôh eina pachhâsazie rimâ cha. Nôpona nâ tlôkheituhpa lâta nâ lie ha he zaw. Abeipa lâ ei pakah â ha nahta, a la pakhua thei awpa châ khao va na,” tah ta.