ÂTHAONA 37:27 - Mara Bible RV (BSI)

²⁷ A vy teh u, Ismela mo hnoh hao ta tlao zuah ei suh u. Ano cha eima unawhpa, eima sapa nata thisaih châ tlôh ta, chavâta a chô liata eima ku pathla khah ei suh u,” tah ta. A unawhzy ta a biereipa cha pha tah ei ta.

ÂTHAONA 37:27 ပူးပေါင်းရင်းမြစ်များ

ÂTHAONA 29:14

Lâbâ ta a hnohta, “Ei rupa nata ei sapa tlai na châ cha zaw!” tah ta. Chatanachata Zakaw cha thla kha chhôh Lâbâ hnohta y ta.

ÂTHAONA 37:22

Rubena ta ama hnohta, “Thisaih palo khah u. Râhchawhpa liata khaohtlô liana heta pathla u la, ku deikua la a chô liata pathla khah u,” tah ta. Zawsi cha ama ku tawhta pachha ta, a paw o lâ â chhi thei nawpa ta, cha bie cha a reipa a châ.

ÂTHAONA 42:21

Âmo nata âmo a chhohia ei ta, “Eima unawhpa chô liata eima hmotaopa vâta thailei eima châ ha tlai he zaw. Ngiachhie miah â haw ngâ nota a palôh nôpozie kha hmô thlâh ha pi ta, châhrasala eima nathlie khoh leipa kha. Chavâta he nôpona heta miah a tla thlu hih,” tah ei ta.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

NEHEMIAH 5:5

Eima sapa he eima unawhzy sapa hawhta châ ta, eima sawzy chhao âmo sawzy hawhta châ hra ei ta. Cha hawhta a châ nota, eima sawchapawzy nata sawchanôzy cha sei pachâsa awpa duahmo liata a duah pi ta, eima sawchanô thokhazy chhochhi cha sei ta taopa ama châ haw. Chyhsa hropazy ta eima lyu nata kre sadôzy ama hnei khai ha tawhta cha, tao thei awpa hnei khao ma pi,” a tahpazy chhao ama y.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

PUASAINA 21:16

“Chyhsapa a parupa cha, a zuah hapa chhao ta nata ano ku liata a y nota hmôpa a châpa chhao ta, cha chyhsa cha thie thlyu awpa a châ.

PUASAINA 21:21

Châhrasala sei cha noh kha khai tawhta tlyma, noh no khai tawhta tlyma a kaw thyu heih thei khiahta cha, sei cha a sôh a châpa vâta, cha chyhsa cha hrie awpa châ vei.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

MATHAI 26:15

ama hnohta, “Ano cha, cha patusa aw ei sah la, khâpa eina pie aw ei chi?” tah ta. Tâkâ tlaw sythôh pie ei ta.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.