ÂTHAONA 37:25 - Mara Bible RV (BSI)

²⁵ Pati nie awpa ta a tyuh ei ta. Mohmia pasaih ei ta, Kilia tawhta â vypa Ismela mo râraoseihpazy hmô ei ta. Ama râraoseihpazy cha Izi râh lâ zua awpa iaôzy, thohna hniapazy nata ropahâhpazy a phaohpa ama châ.

ÂTHAONA 37:25 ပူးပေါင်းရင်းမြစ်များ

ÂTHAONA 31:21

Zakaw cha a hneipa zydua chhaota a râ ta, thyu ta, Ufrâti Chavah chaka ta, Kilia tlâh lâ pangaipa ta sie lymâ ta.

ÂTHAONA 31:23

Lâbâ ta a chiheihzy a chhipa ta, Zakaw cha noh sari chhôh a chadai ta, Kilia tlâh liata kei pha ta.

ÂTHAONA 37:24

A chhi ei ta, khaohtlô liata pathla ei ta. Khaohtlô cha aruapa, a chhôh liata ti a y leipa a châ.

ÂTHAONA 37:28

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

ÂTHAONA 37:36

Cha nota, Midia mo ta Zawsi cha Izi râh lâ a ngiakhei ei ta, Phiraoh ry liata molaipa pakha, vaituhpa py hyutuhpa Pawtipha hnohta zuah ei ta.

ÂTHAONA 39:1

Zawsi cha Izi râh lâ zukhei ei ta, Phiraoh ry liata molaipa pakha, vaituhpazy hyutuhpa, Izi chyhsa Pawtipha ta cha râh lâta a zâ chhituhpa Ismela mo ku tawhta chalei ta.

ÂTHAONA 43:11

Ama paw Izarei ta ama hnohta, “Cha hawhta a châ khiahta cha, hetana heta tao muh vy: He râh liata theilâpa pahâh chaipazy he a chyhta sai ta nama sykhaozy liata pasâ u la, cha chyhsa châta kuhria, thochathli thohna, kheihti, ropahâhpa, myrâ, theilâ hyhkua châpa nata kuasâh theizy phaopa muh vy.

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

HLAZY 83:6

Chazy cha Edômâ nata Ismela mo poh ozy, Môabâ nata Hâkari mozy,

BIESOZY 30:20

He he apheinô hro cha a châ: A nie khai tawhta a hmao a hru ta, “Moleina hmo khâpa hmah tao va na,” a tah tyh.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 46:11

Hy Izi sawchanô laihsa kôpa y, Kilia lâ khy la, sathaw thohna a kaw la teh! Thohna hluhpi hmâh ha chi ta, Châhrasala hraoleipa sai châ ei ta, Na châta tlâhna rai y vei.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

EZEKIA 47:18

“Nochhi lâta râhri cha, Haurâ nata Dâmaskâ likawh liata sie lymâ aw ta, Kilia nata Izarei râh likawh ta Zudâh chavah saopa ta, nochhi tilaipi lâta sie aw ta, Tâmâri a tlô aw. Cha cha nochhi lâta râhri a châ aw.

AMÔSÂ 6:4

“Sianaoh rakhô liata a zia ei ta, Ama dyuchhai chô liata â pazawhpazy; Mietaku zaw liata mietakutaw sa nie ei ta, Viahchao o liata viahchao taw sa a niepazy;

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

ZAWSUA 13:11

Kilia râh, Kesuri nata Mâkâ râh, Hâmaw Tlâh zydua nata Bâsanâ râh zydua Salekâ khihpi taihta;