ÂTHAONA 37:18 - Mara Bible RV (BSI)

¹⁸ A unawhzy ta Zawsi cha lâhlapi tawhta vaw hmô ei ta, ama kô chhao a tlô hlâta, thie awpa ta arulâta a paraoh chhielie ei ta.

ÂTHAONA 37:18 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 37:19

Âmo nata âmo a chhohia ei ta, “Moh tua u, mâ a sapa â vy huh.

ÂTHAONA 50:15

Ama paw a thi hapa ama hmô nahta, Zawsi unawhzy ta, “Zawsi ta miah a hao aw ta, a chô liata hmo pha leipa eima taopa zydua kha viari miah a thô bâ aw,” tah ei ta.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

HLAZY 105:25

A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

HLAZY 109:4

Ei kyhpachâna cha leihna ta na thô ei ta, Châhrasala kei la thlah ei chhâ lymâ.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 37:12

Moleipa ta mosiapa tei ta, A hâh a charieh chie tyh;

HLAZY 37:32

Moleipa ta mosiapa mohparu ta, Thie â chhuah tyh.

HLAZY 94:21

Mosiapa hrona pahlei a chhuahpa ta a paraoh ei ta, Moleina a hnei leipa thisaih cha thailei ama pachâsa tyh.

MATHAI 21:38

Châhrasala thlyuhlaotuhpazy ta a sawchapawpa ama hmô nahta, a chhohia ei ta, ‘He chyhsa he ryutotuhpa a châ hih, a vy teh u, thie sih la, a ryu a la ei suh u,’ tah ei ta.

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

MÂKA 12:7

Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta.

MÂKA 14:1

Zawpakhô nata thinô pahlao leipa Viahchhâ Kyhchhi tlô hlâ noh nona liata, theihthai beizy nata ryhpa pachutuhpazy ta Zisu cha dôpakhei ta patupa ta, ama thie thei nawpa kyh tlua ei ta.

ZAWHÂNA 11:53

Cha noh tawhta cha, Zisu thie thei nawpa lâpi tlua lymâ ei ta.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

1 SAMUELA 19:1

Sawla ta a sawchapawpa Zawnathâ nata a chakaotuhpa zydua cha Dâvi thie awpa ta chho ta. Châhrasala Sawla sawchapawpa Zawnathâ ta Dâvi cha khoh kaw ta.