ÂTHAONA 37:14 - Mara Bible RV (BSI)

¹⁴ Izarei ta a hnohta, “Tahmâ he sie la, na unawhzy a phapa ta ama y ma, sahrohzy ama pha ma tahpa kei moh la, na vaw chho heih mah y,” tah ta. Izarei ta Zawsi cha Hebraw saikao tawhta pasiesa ta, Sekhe cha kei tlô ta.

ÂTHAONA 37:14 ပူးပေါင်းရင်းမြစ်များ

ÂTHAONA 13:18

Chatanachata Abarâ cha a poh o pasie ta, Hebraw liata Mâmre tho thih liata yna su paryh ta, cha liata Abeipa châta maisâh tao ta.

ÂTHAONA 23:19

Cha khai tawhta, Abarahâ ta a lapinô Sârâ cha Kâna râh Mamre nochhi lâta a ypa Mâkâpelâ lyu liata lôpu liana chata pabu ha ta. Mâkâpelâ cha Hebraw a châ.

ÂTHAONA 23:2

Sârâ cha Kâna râh Kiriathâbâ khih liata thi ta. Cha cha Hebraw a châ. Abarahâ cha Sârâ mâchhiesa awpa nata chakhei awpa ta sie ta.

ÂTHAONA 29:6

Zakaw ta ama hnohta, “A tlâh no a châ ma?” tah ta. Âmo ta, “A tlâh no na a châ. Moh tua, a sawchanô Râkheli chhao mietakuzy chhaota â vy ngâ kaw huh,” tah ei ta.

ÂTHAONA 35:27

Zakaw cha Kiriathâbâ kiapâh Mamre khih liata a ypa a paw Aisika kô kei tlô ta. Cha khih cha Hebraw tahpa châ hra ta, Abarahâ nata Aisika zy pahrâna khih a châ.

ÂTHAONA 37:15

Râh liata â khie ngâpa chyhsa pakha ta vaw hmô ta, cha chyhsa chata a hnohta “Khâpa na tlua?” tah ta.

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

ÂTHAONA 43:27

Zawsi ta ama thâtih hiahri ta, “Nama paw a thâtih nama reipa pawpipa kha a tlâh no a châ ma? A hroh thlâh chy ma?” tah ta.

2 SAMUELA 11:7

Uria cha Dâvi kô a kei tlô nahta, Dâvi ta Zôabâ nata pheisaihzy thâtih nata adyuhna hmasiena thâtihzy hiahri ta.

2 SAMUELA 18:32

Abei ta Kusi chyhsa hnohta, “Thyutliapa Absalaw a pha ma?” tah ta. Kusi chyhsa ta a chhy ta, “Ei zibeipa abei chariahpazy nata na chhiena a tluatuhpa zydua cha, thyutliapa hawhta châ khai mawh ei sy,” tah ta.

1 ABEIZY 2:33

Ama thisaih maoh cha Zôabâ luh chô liata nata a pathlazy luh chô liata chhâzaw ta a lie thlu aw ta, Dâvi nata a pathlazy chô liata nata a o nata a beidyuchhai chô liata deikua cha, Abeipa tawhta thlalôhna tlyzaw ta a y thlâh ha aw,” tah ta.

ESTHERI 2:11

Estheri cha a tlâh ma, kheihta ma a y tahpa zy pahno khopa ta, Môdekai cha noh chareih ta chanôzy yna tlyhmia liata â hlaihlâ tyh.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

ZEREMIAH 29:7

Sei ta ei cha tuana ei khihpi pha nawpa tlua u la, cha khihpi phana cha nâmo phana a châ awpa vâta, khihpi châna chata Abeipa lâ thlahchhâ muh vy.

MALUHREINA 13:22

Neke lâta khy ei ta, Hebraw tlô ei ta, cha liata Anâki pathla Ahimâ mo, Sesai mo nata Tâmai mozy y ei ta. Hebraw cha Izi râh liata Zawâ â dua hlâta kô sari liata padua hapa a châ.

LUKA 19:42

“Aw, nâma ta, nâma tlai ta, na thlalôhna châta hmotaopazy he tanoh pahno thai mawh la ei tah kaw dia! Châhrasala tahmâ la na mohmô tawhta nyupa a châ haw.

ZAWSUA 14:13

Zawsua ta Kâlebâ cha byhnâ awpa ta, Hebraw cha Zephune sawchapawpa Kâlebâ hnohta a ryuto râh châta pie ta.

ZAWSUA 14:14

Chatanachata Keniza chyhsa Zephune sawchapawpa Kâlebâ cha a pathipalôh tlokhuh ta Abeipa Izarei Khazohpa a pazipa vâta, Hebraw cha tanoh taihta a ryuto râh a châ haw.

ZAWSUA 14:15

Hebraw cha Kiriathâbâ tahpa ta aw tyhpa châ ta, Arabâ cha Anâki mo hry liata chyhsa rônah chaipa a châ. Chatanachata adyuhna pai ta, râh cha thlahlôhpa ta y ha ta.

RYUREITUHPAZY 1:10

Zudâh ta Hebraw khih liata a pahrâpa Kâna mo siehnao ta, Sesai, Ahimâ nata Tâmai zy thie ta. Cha hlâta Hebraw khih cha Kiriathâbâ tahpa a châ.

1 SAMUELA 17:22

Dâvi cha niedo mohôhtuhpa ku liata a hmozy soh ta, pheisaihzy yna lâ cha a kei râ ta, a uhtazy cha a kei naoh ta.